වත්මන් ආර්ථික හා දේශපාලන අර්බුදයට විසඳුම පිලිබඳ පෙරටුගාමී සමාජවාදී පක්ෂයේ ප්රතිපත්ති අඩංගු කෘතියක් “අලුත් මාවත” නමින් හෙට (10) උදේ 10.00 කොළඹ පදනම් ආයතන ශ්රවණාගාරයේදී එලිදැක්වීමට නියමිතය.
එමෙන්ම අර්බුදයට විසඳුම ගැන සිය ප්රතිපත්ති හෙලිදරව් කරන ලෙස අනෙක් පක්ෂ වලට බලකරන ලෙස එම පක්ෂයේ අධ්යාපන ලේකම් පුබුදු ජයගොඩ ජනතාවගෙන් ඉල්ලා සිටියේය.
මෙවර පලාත් පාලන මැතිවරණය කල් දැමීමට ආණ්ඩුව උත්සාහ කරමින් සිටින බවත් එම ජනතා විරෝධී තැත පරාජය කර ප්රජාතන්ත්රවාදී අයිතිය දිනාගත හැක්කේ මහජන ව්යාපාරයක පුළුල් ක්රියාකාරීත්වය තුළින් පමණක් බව එම පක්ෂය පෙන්වාදෙයි.
එමෙන්ම දේශපාලන පක්ෂ වලට සිය ප්රතිපත්ති හා අර්බුදයට පිළිතුරු හෙලිදරව් කිරීම සඳහා බල කළ හැක්කේත් කවුරු බලයට පත් වුවත් එම ප්රතිපත්ති ක්රියාවට නැංවිය හැක්කේත් මහජන ව්යාපාරයක් හරහා පමණක් බවද එම පක්ෂයේ අධ්යාපන ලේකම් පුබුදු ජයගොඩ පවසා සිටියි.
වැඩිදුරටත් අදහස් දක්වමින් ඔහු පෙන්වා දුන්නේ එලෙස මහජන ව්යාපාරයක් හරහා පෙරටුගාමී සමාජවාදී පක්ෂයේ මැතිවරණ ක්රියාවලිය ගොඩ නැගීමත්, මැතිවරණ ප්රචාරක ක්රියාවලිය ප්රතිපත්තිමය සංවාදයකට හැරවීමක් ඉලක්ක කරන බවයි.