ඕස්ට්‍රේලියානු සහ එංගලන්ත කාන්තාවන්ට ජය

Share post:

කාන්තා ලෝක කුසලාන ටී ටුවෙන්ටි ක්‍රිකට් තරගාවලියේ තරග දෙකකින් ඕස්ට්‍රේලියාව සහ එංගලන්තය ජය ලබයි. A කාණ්ඩය යටතේ ඕස්ට්‍රේලියාව නවසීලන්තය අතර තරගය පැවැත්විණ. මුලින්ම පන්දුවට පහරදුන් ඕස්ට්‍රේලියා ක්‍රීඩිකාවෝ කඩුලු 9කට ලකුණු එකසිය හැත්තෑ තුනක් රැස් කළහ. ඇලීස් හීලි ලකුණු 55 යි. මැග් ලෙනින් ලකුණු 41 ක් සහ එලීස් පෙරී වේගවත් ලකුණු 40 ක් රැස් කළහ. ලී ටහුහු ලකුණු 37 කට කඩුළු 3 යි. ඇමේලියා කර් ලකුණු 23 කට කඩුළු 3 ක් බිඳ හෙලීමට සමත්වූවාය. නවසීලන්ත ක්‍රීඩිකාවෝ ලකුණු 76 කට දැවී ගියහ. ඇමේලියා කර් ලකුණු 21 යි. ඈෂ්ලි ගාඩ්නර් ලකුණු 12 කට කඩුළු 5 යි. ඒ අනුව කුණු 97 ක දැවැන්ත ජයක් ලබාගැනීමට ඕස්ට්‍රේලියා ක්‍රීඩිකාවෝ සමත් වූහ.

B කාණ්ඩය යටතේ බටහිර ඉන්දීය කොදෙව්වන් සහ එංගලන්තය තරග වැදිණ. මුලින් පන්දුවට පහරදුන් කොදෙව් ක්‍රීඩිකාවෝ ලකුණු 135ක් රැස් කළහ. හීලි මැතිව්ස් ලකුණු 42 යි. සොෆී එක්ලෙස්ටන් ලකුණු 23 කට කඩුළු 3 යි. 15 වන පන්දුවාරයේදී තරගය ජයගැනීමට එංගලන්තය සමත් වූයේ කඩුළු 3 ක් පමණක් බිඳවැටී තිබියදීයි. නැට් ෂීවර් බ්‍රන්ට් නොදැවී ලකුණු 40 යි. කාන්තා T 20 ලෝක කුසලාන ක්‍රිකට් තරගාවලියේ තවත් තරග දෙකක් අද පැවැත්වෙයි. ඉන්දියාව සහ පාකිස්තානය අතර තරගය සවස 6:30 ට ඇරඹෙයි. තරගාවලියේ පළමු තරගය සත්කාරක දකුණු අප්‍රිකාවට එරෙහිව ජයගත් ශ්‍රී ලංකා ක්‍රීඩිකාවෝ බංග්ලාදේශය සමග රාත්‍රී 10:30 ට තරග වදිති. එය B කාණ්ඩයේ තරගයකි.

වජිර කැලුම් පෙරේරා

Related articles

කච්චතිව් නඩුව සහ මෝදිගේ ලංකාගමනය !

ඉන්දීය අගමැති නරේන්ද්‍ර මෝදි ලබන 05 වැනිදා ලංකාවට පැමිණීමට නියමිත ය. එහිදී ඔහු සාම්පූර් ප්‍රදේශයේ ඉදිකිරීමට සැලසුම් කර...

කැන්ගරු කැබ්ස් Genie Business සමග එක් වී Tap to pay ගෙවීම් ක්‍රමය හඳුන්වා දෙයි !

වසර 35ක් පාරිභෝගික විශ්වාසය දිනා ගනිමින් ශ්‍රී ලංකාවේ කුලී රථ සේවාවේ ප්‍රමුඛයෙකු වන කැන්ගරු කැබ්ස් නව තාක්ෂණයේ ඉදිරි...

“නාඔටුන්නගෙ කවි බහුතරය ගේන්නෙ වළ දාපු දුකක්” – ‘කළු පැහැති කුඩා පොත’

කළු පැහැති කුඩා පොත - සචින්ත ප්‍රමෝද් නාඔටුන්න මම වැඩිපුරම ආස පෙම් කවි කියවන්න. දැන් මං ආස පෙම් කවි...

මහාධිකරණ විනිසුරුවරුන්ට අධිකරණ සේවා කොමිසමෙන් වත්කම් ගැන ලිඛිත දැනුම්දීමක් !

විනිසුරුවරුන් නොවන අධිකරණ නිලධාරීන් 2024 සඳහා වාර්ෂික වත්කම් සහ බැරකම් ප්‍රකාශන ඉදිරිපත් කිරීමට අපොහොසත් වීම සම්බන්ධයෙන් තොරතුරු ලබාදෙන...