එය ආරම්භ වූයේ අද පෙරවරුවේ යි. සෞඛ්‍ය සේවා රැසක් මහජනතාවට නොමිලයේ ලබා ගැනීමේ අවස්ථාව හෙල්ත් ෆියෙස්ටා වෙතින් උදාවන බව නාරාහේන්පිට, ලංකා හොස්පිට්ල්ස් කළමනාකාරීත්වය පෙන්වා දෙයි. අහඹු රුධිර පරීක්ෂාව, මේද හෙවත් ලිපිඩ පරීක්ෂාව සහ ඊ.සී.ජී පරීක්ෂණ ද නොමිලේ ලබාගත හැක්කේ ලංකා හොස්පිට්ල්ස් හෙල්ත් ෆියෙස්ටා 2023 ට සහභාගී වීමෙනි. ඊට අමතරව හෙල්ත් ෆියෙස්ටා සමග සම්බන්ධ වන ප්‍රතිලාභීන්ට ඉදිරි වෛද්‍ය අවශ්‍යතා වෙනුවෙන් විශේෂ වට්ටම් ලබාදීමට ද කළමනාකාරීත්වය තීරණය කර ඇත.
මේ අතර සෞඛ්‍ය පරීක්ෂණවලට සමගාමීව විනෝද අවස්ථා ද පවතී. හෙල්ත් ෆියෙස්ටා වෙත සහභාගී වීමෙන් සෞඛ්‍යවත්ව සහ විනෝදශීලීව සති අන්තය ගත කිරීමට ඕනෑම පුද්ගලයෙකුට හැකියාව ඇතැයි ද ලංකා හොස්පිට්ල්ස් කළමනාකාරීත්වය සඳහන් කරයි.