ගාලු මුවදොර අහසෙ
ගුවන් කරණම් ඇතේ
වෙඩිමුර ම මහ ගොඩක්
ගිගුම් දෙයි හිතුමතේ
උත්සවාකාරයෙන් සමරන්නෙ
මගෙ හිතේ
සිංහයා පන අදින
එක වෙන්න ඇති පුතේ
නොරටුන්ට ණය වෙලා
කොතෙක් කල් උන්නා ද
මුතු ඇටේ අමුතු දේ
විඳ දරා ගත්තා ද
අන්තිමේ දරු පැටවු
හාමතෙන් මිය යාද
ඉස්සුවම කොඩිය
අභිමානයක් දැනුනා ද
සුද්දටත් වඩා
මේ රටට වින කළ එවුන්
එක්ව පලවාහරිමු ,
ඒක කළයුතු බැවින්
වහල් බැමි ලිහන්නට
බැරිව තවමත් සොවින්
සැවොම දැන් අවදිවව් !
ඉන්න බොරුවට නිදන්