උසස් පෙළ විභාග කාල සීමාව තුළ අඛණ්ඩ විදුලිය සැපයීමට අපොහොසත් වීම හේතුවෙන් ශ්රී ලංකා මානව හිමිකම් කොමිෂන් සභාව ඊයේ (ජන. 30) ශ්රේෂ්ඨාධිකරණය හමුවේ නඩුවක් ගොනු කළේය.
ලංකා විදුලිබල මණ්ඩලයේ සභාපති, විදුලි බල හා බලශක්ති අමාත්යාංශයේ ලේකම් සහ ලංකා ඛනිජ තෙල් නීතිගත සංස්ථාවේ සභාපතිවරයාට එරෙහිව අදාල නඩුව ගොනු කර ඇත.
2023 ජනවාරි 23 සිට පෙබරවාරි 17 දක්වා පැවැත්වෙන උසස් පෙළ විභාග කාල සීමාව තුළ අඛණ්ඩ විදුලිය ලබා දීමට ඉහත පාර්ශවයන් සමග එකඟතාවක් ඇති කරගෙන තිබියදී ත්, ලංකා විදුලිබල මණ්ඩලය හිතාමතා සහ ද්වේෂසහගතව එය නොසලකාහැර දිගින් දිගට ම විදුලිය විසන්ධි කළ බව මානව හිමිකම් කොමිෂන් සභාව පවසයි.
ඒ අනුව 1996 අංක 21 දරන ශ්රී ලංකා මානව හිමිකම් කොමිෂන් සභා පනතේ ප්රතිපාදන යටතේ අපහාස කිරීමේ වරදට ලංකා විදුලි බල මණ්ඩලය සභාපතිවරයා වැරදිකරු වන බව ඔවුන් කියා සිටියේ ය.
තවද මෙම විභාගය පැවැත්වෙන් කාල සීමාව තුළ අඛණ්ඩ විදුලි සැපයුමක් ලබා දීමට ලංකා විදුලිබල මණ්ඩලය අපොහොසත් වීම දරුවෙකුගේ අධ්යාපන අයිතිය බරපතළ ලෙස උල්ලංඝණය කිරීමක් බවත් ඔවුන් වැඩිදුරටත් සඳහන් කළේ ය.
එමගින් ශ්රී ලංකා මානව හිමිකම් කොමිෂන් සභාව විසින් අපහාස සහතිකයක් අස්සන් කර එය ශ්රේෂ්ඨාධිකරණය වෙත යොමු කර ඇති අතර ඒ සම්බන්ධයෙන් ශ්රේෂ්ඨාධිකරණය හමුවේ අපහාස කිරීමේ නඩුවක් ද ගොනු කර ඇත.