ඇමෙරිකාවේ මෙම්පිස් පොලිසිය විසින් අමානුෂික ලෙස පහරදී ඝාතනය කළ ටයර් නිකොල්ස් (Tyre Nichols) වෙනුවෙන් ඇමෙරිකන් ජනතාව අද දවසේත් වීදි බැස තිබෙනවා.
විසි නව හැවිදිරි නිකොල්ස් මාංචු සහිතව සිටියදී බිම දමා පහරදෙන අමානුෂික ආකාරය ඔහුගේ ශරීර කැමරාවේ සටහන් වී තිබෙනවා. පහරදීමෙන් දින තුනකට පසු ඔහු සදහටම දෑස් පියාගන්නවා .
මීට එරෙහිව නිව්යෝක් නගරයේ මෙන්ම බොස්ටන්, ඇට්ලන්ටා, ලොස් ඇන්ජලීස් සහ බල්ටිමෝ යන නගරවල මේ වනවිට විරෝධතා පැවැත්වෙනවා. මීට සම්බන්ද සියලු පොලිස් නිලධාරීන් මිනිස් ජීවිත ආරක්ෂා කිරීම වෙනුවෙන් වන පොලිස් ප්‍රතිඥාව චේතාන්විතව උල්ලංඝනය කර ඇති බවට විරෝධතා කරුවන් කියාසිටිනවා.
ආරක්ෂක අංශ ඉදිරියේ තරුණ ජනයාගේ ජීවිත අතිශයින් අවදානම් බව මේ අනුව පෙනී යන බව විචාරක මතය වන අතර ඇමෙරිකාවේ මිල අධික බල්ලෙක් තත්වය පවා මීට උසස් බව රැස්වූ තරුණ විරෝධතාකරුවන් සඳහන් කරනවා.
”නිකම් හිතන්න මිල අධික බල්ලෙක් මෙහෙම පාරේ පයින් ගහල මරල දැම්ම කියල. එහෙනම් ඒක සත්ව අයිතිවාසිකම් යටතේ ඒක ලොකු ප්‍රවෘත්තියක් වෙනවා”.
අමෙරිකාව කියන රටේ අද වෙද්දී මිනිස් ජීවිතයක් කියන්නේ මිළ අධික බල්ලෙක්ටත් වඩා නොවටිනා දෙයක්…
තරුණ ජිවිතවල වටිනාකම නම් කොහෙත් ඔහොම තමයි!
මහේෂ් හපුගොඩ
CNN