95 වැනි ඔස්කාර් සම්මාන නොහොත් ඇකඩමි සම්මාන උළෙලේ හොදම චිත්‍රපටයට හිමි සම්මානය ( Best Picture Award ) සදහා පසුගිය වසරේ ලොව ආදායම් වාර්තා තැබූ චිත්‍රපට දහයක් නිර්දේශ වී තිබේ. එනම් …..
Best Picture Award
1.All Quiet on the Western Front
2.Avatar: The Way of Water
3.The Banshees of Inisherin
4.Elvis
5.Everything Everywhere All at Once
6.The Fabelmans
7.Tar
8.Top Gun: Maverick
9.Triangle of Sadness
10.Women Talking
සමාලෝචනය ——-
මෙවර හොදම චිත්‍රපටය සදහා තරග කරන චිත්‍රපටය සියල්ලම පසුගිය වර්ෂයේ දී ඉතා ඉහළ බොකස් ඔෆීස් ( Box-office ) වාර්තා තැබූ චිත්‍රපට වීම විශේෂත්වයකි. එහිලා Avatar: The way of Water හා Top Gun: Maverick යන චිත්‍රපටය දෙක ඉහළින්ම තිබේ. මෙවර හොදම චිත්‍රපටය සදහා වූ සම්මානය සදහා මෙහි නිර්දේශිත චිත්‍රපට හතරක් පිළිබඳව මගේ විශේෂ අවධානය යොමු වී තිබේ. එනම් ඒ ජර්මන් හා ඇමෙරිකානු නිෂ්පාදනයක් වන All Quiet on the Western Front / The Fabelmans / Tar / Triangle of Sadness යන චිත්‍රපට යි. මෙහිලා Triangle of Sadness චිත්‍රපට විශිෂ්ට වන්නේ එය පසුගිය කාන් චිත්‍රපට උළෙලේ ( Cannes Film Festival ) දී හොදම චිත්‍රපටයට පිදෙන Palme d’or සම්මානය දිනාගත් චිත්‍රපටය බැවිනි. The Fabelmans චිත්‍රපටයට ගෝල්ඩන් ග්ලෝබ සම්මාන උළෙලේ ( Golden Globe Awards ~ 2023 ) වසරේ හොදම චිත්‍රපටයට හිමි සම්මානය දිනාගත්තේ ය. Tar චිත්‍රපටය විචාරක සම්මාන උළෙලේ ( Critics Choice Award ) දී හොදම චිත්‍රපටයට හිමි සම්මානය දිනා ගත්තේ ය. All Quiet on the Western Front චිත්‍රපටය ඉතා ඉහළ පිරිවැයක් දරා ඉහළ තත්වයකින් නිර්මාණය කර තිබේ.
මෙම චිත්‍රපට දහයම නරඹා ඇති නමුදු මට අනාවැකි කීමට නොහැකි ය. එනමුත් විශ්වාසයක් තබාගත හැකියි.
කරුණු කාරණා එසේ වුවද නිසි පිළිතුර මාර්තු මස පැවැත්වෙන ඔස්කාර් සම්මාන උළෙලේ දී හිමිවනු ඇත.
2023 මාර්තු 12 වැනි දින ඇමෙරිකාවේ ලොස් ඇන්ජලීස් නුවර Dolby Theater’s හිදී 95 වැනි ඔස්කාර් සම්මාන උළෙල පැවැත්වෙනු ඇත. එතෙක් අපි දෑස් දල්වාගෙඅන බලා සිටිමු.