මානව හිමිකම් කණ්ඩායමක් සහ මියන්මාරයේ පුද්ගලයින් 16 දෙනෙකු මියන්මාර හමුදාවට එරෙහිව ජන සංහාර, යුද අපරාධ සහ මනුෂ්යත්වයට එරෙහි අපරාධ චෝදනා කරමින් අපරාධ පැමිණිල්ලක් ගොනු කර තිබේ.
මියන්මාර හමුදාවට යුද අපරාධ චෝදනා එල්ල කර ඇති මෙම පැමිණිලිකරුවන් විශ්වීය අධිකරණ බලය යටතේ නීතිමය ක්රියාමාර්ග ගන්නා ලෙස ඉල්ලා ඇත. ඔවුන් මෙම නඩුව ජර්මනියේ ෆෙඩරල් රජයේ ප්රොසිකියුටර් ජනරාල් වෙත ගොනු කර ඇත.
විශ්වීය අධිකරණ බලය යටතේ ජර්මනියේ ෆෙඩරල් රජයේ අභිචෝදක ජනරාල් වෙත මෙම නඩුව ගොනු කර ඇති අතර, අපරාධය සිදු කළ ස්ථානය ලෝකයේ කුමක් කොතැනක වුවත් බරපතල අපරාධ සම්බන්ධයෙන් නඩු පැවරීමට එය ඉඩ සලසයි.
“මියන්මාරයේ හමුදාව සහ එහි නායකයින් විසින් සිදු කරන ලද ජන සංහාරය, මනුෂ්යත්වයට එරෙහි අපරාධ සහ යුද අපරාධ සම්බන්ධයෙන් පරීක්ෂණයක් ආරම්භ කර යුක්තිය පතා අපි ජර්මනිය කෙරෙහි විශ්වාසය තබමු” යනුවෙන් Fortify Rights හි මණ්ඩලයේ සාමාජික නිකී ඩයමන්ඩ් පැවසීය.
මියන්මාර හමුදාව ” මිනිසුන් ක්රමානුකූලව මරාදැමීම, දූෂණය කිරීම, වධහිංසා පැමිණවීම, සිරගත කිරීම, අතුරුදහන් කිරීම, පීඩා කිරීම සහ ජන සංහාරය, මනුෂ්යත්වයට එරෙහි අපරාධ සහ යුද අපරාධ වැනි වෙනත් ක්රියා සිදු කළ බව” එම ලිපියේ පැමිණිලිකරුවන් චෝදනා කර ඇත, Fortify Rights නිවේදනයක් නිකුත් කරමින් කියා සිටියේය.
මියන්මාර ජෙනරාල්වරුන්ගේ ක්රියාකලාපය සම්බන්ධයෙන් දැනටමත් ජාත්යන්තර අධිකරණයේ පරීක්ෂණයක් පැවැත්වෙන අතර සමූල ඝාතන නඩුවක් ජාත්යන්තර අපරාධ අධිකරණයේ පවතී. ක්රියාකාරීන් ආර්ජන්ටිනාවේ සහ තුර්කියේ ජාතික අධිකරණවල ද නඩු පවරා ඇත.