මහව සිට ඕමන්තෙයි දක්වා දුම්රිය මාර්ගය ප්රතිසංස්කරණය කිරීම සඳහා වන ව්යාපෘතිය ආරම්භ කිරිීමේ උත්සවය පසුගියදා අමාත්ය බන්දුල ගුණවර්ධන සහ ශ්රී ලංකාවේ ඉන්දියා මහකොමසාරිස් ගෝපාල් බාග්ලේගේ සහභාගිත්වයෙන් පසුගිය දා (08) පැවැත්විණි.
මෙහි මූලික අදියරේ කටයුතු මැදවච්චිය දුම්රිය ස්ථානයේ සිට ඇරඹීමට නියමිතව තිබේ. මෙහි කොන්ත්රාත්තුව ලබාදී ඇත්තේ ඉන්දියානු පුද්ගලික සමාගමකට වන අතර, ඉන්දියානු ණය ආධාර වැඩසටහන යටතේ ඇමරිකානු ඩොලර් මිලියන 91ක මුදලක් මේ සඳහා වැයකිරීමට අපේක්ෂිත ය.
මේ දක්වා අවස්ථා පහකදී ඉන්දීය ණය ආධාර යටතේ ශ්රී ලංකාවේ දුම්රිය පද්ධති සංවර්ධනය වෙනුවෙන් ඇමරිකානු ඩොලර් බිලියනයකට වඩා මුදලක් වැය කර ඇති බවත්, දුම්රිය මාධ්යයෙන් භාණ්ඩ ප්රවාහනය සහ මගීන් වැඩි පිරිසකට ප්රවාහන පහසුකම් ලබාදීම වෙනුවෙන් ලංකාවේ දුමිරිය පද්ධතිය නවීකරණය කිරීමට ඉන්දියාව සහය ලබාදීම සිදුකරන බව ඉන්දීය මහකොමසාරිස්වරයා සඳහන් කර තිබේ.
මෙම ව්යාපෘතිය යටතේ උතුරු දුම්රිය මාර්ගය සම්පූර්ණයෙන්ම නවීකරණය කිරීමට බලාපොරොත්තුවන අතර, කන්කසන්තුරය දක්වාවන දුම්රිය මාර්ගය සම්පූර්ණයෙන්ම සංවර්ධනය කිරීම සිදුවනු ඇත. ඒ අනුව ඉන්දියාව සහ ලංකාව අතර වන්දනා සහ ව්යාපාර සඳහා ගමනාගමනය සිදුකරන පිරිස් සඳහා වඩාත් පහසුකම් සැපයීම මෙහි අරමුණවී තිබේ.
යාපනය – චෙන්නායි මගී නැව් සේවාවක්!
මින් පෙර ශ්රී ලංකා රජය විසින් යාපනය කන්කසන්තුරේ වරාය සහ ඉන්දියාවේ චෙන්නායි පොඩිච්චේරි වරාය අතර මගී නැව් සේවාවක් ක්රියාත්මක කිරීමට අවශ්ය කටයුතු සූදානම් කරන බව පසුගිය දෙසැම්බර් මාසයේ වාර්තා විය. ඒ අනුව අඩු මුදලකට පැය තුනක වැනි කාලයක් ඇතුලත චෙන්නායි සහ යාපනය අතර ගමන් කිරීමට සහ භාණ්ඩ ප්රවාහනයට අවශ්ය පහසුකම් සැපයීම මෙහි අරමුණ බවද සඳහන් විය.
ඒ සඳහා කන්කසන්තුරේ වරායේ අවශ්ය පහසුකම් සකස් කිරීම සහ රේගු සේවා ස්ථාපිත කිරීමට දැනටමත් කටයුතු සකස් කරමින් පවතින බව දැනගන්නට ලැබේ. උතුරු දුම්රිය මාර්ග සංවර්ධනය හරහා ද පෙරකී මගී නැව් සේවාවට පහසුකම් සැපයීම සිදුවනු ඇත.
යාපනය – චෙන්නායි ගුවන් ගමන් ඇරඹේ!
එසේම පසුගිය මාසයේ සිට නැවත වතාවක් යාපනය, පලාලි ගුවන් තොටුපල සහ ඉන්දියාවේ, චෙන්නායි ගුවන් තොටපුල අතර ගුවන් ගමන් ආරම්භවූ අතර, අඩු පිරිවැයක් යටතේ දෙරට අතර ගුවනින් සංචාරය කිරීමට මගීන්ට ඒ නිසා අවස්ථාව ලැබෙනු ඇත.
සබැඳි පුවත්