හිටපු පාර්ලිමේන්තු මන්ත්‍රී දිවංගත මංගල සමරවීර විසින් සංකල්පගත කරන ලද ‘ෆ්‍රීඩම් හබ්’ ඩිජිටල් සහ නිර්මාණාත්මක අන්තර්ගත හා කුසලතා සංවර්ධන සහ සහයෝගීතා පදනම සන්නාම, කලා සහ සුළු හා මධ්‍ය පරිමාණ ව්‍යාපාර අංශයේ සේවය කරන තරුණ කණ්ඩායමක මෙහෙයවීමෙන් මාතර දී නැවත වරක් ආරම්භ කිරීමට නියමිත ය.
නිර්මාණාත්මක සහ සන්නිවේදන කුසලතා ගොඩනැගීමට උනන්දු වන තරුණ-තරුණියන් වෙනුවෙන් ‘ෆ්‍රීඩම් හබ්’ හි නිර්මාණාත්මක ව්‍යවසායකත්වය (Creative Enterprise) වැඩසටහන 2023 පෙබරවාරි මස අගදී ආරම්භ කෙරෙන අතර, ඒ සඳහා වන අයදුම්පත් samaraweerafoundation.org/freedom-hub වෙබ් අඩවිය හරහා ලබන ජනවාරි 31 දින දක්වා ලබාගත හැකිය.
නිර්මාණාත්මක මනෝභාවයක් සහ ප්‍රකාශනයක් පුළුල් කිරීම සහ ව්‍යවසායකත්ව කුසලතා සහ ආර්ථික වශයෙන් සවිබල ගැන්වීමේ ව්‍යාපෘති ගොඩනැගීම මෙහි ප්‍රධානතම අරමුණ බව ෆ්‍රීඩම් හබ් සංවිධායක මණ්ඩලය පවසයි.
විශේෂයෙන් කලාකරුවන්, ග්‍රැෆික් නිර්මාණකරුවන්, ශිල්ප සහ නිෂ්පාදන ශිල්පීන්, සන්නාම සාදන්නන්, දෘෂ්‍ය කතන්දරකරුවන් (චිත්‍රපට නිෂ්පාදකයන්/ වාණිජ වීඩියෝ ශිල්පීන්) සහ ඩිජිටල් මාධ්‍ය තුළ අන්තර්ගත නිර්මාණකරුවන් (YouTube, TikTok, Instagram) වැනි අභිලාශකාමී නිර්මාණකරුවන්, ව්‍යවසායකයන් මුල් කාලීන වෘත්තිකයන් සහ ශක්තිමත් ගැටළු වෙනුවෙන් පෙනීසිටීම සඳහා නිර්මාණාත්මක සහ සන්නිවේදන කුසලතා ගොඩනැගීමට උනන්දු තරුණ-තරුණියන් වෙනුවෙන් මෙම වැඩසටහන පවත්වනු ලබයි.
මේ සඳහා අයදුම් කරන ඔබ වයස අවුරුදු 17-35 අතර විය යුතු අතර, මාතර හෝ මාතර අවට ජීවත් විය යුතුය. සතියේ දිනවල සවස් කාලයේ සහ සති අන්තයේ සැසි කිහිපයකට සහභාගි වීමට කැපවී සිටිය යුතුය. ඉඩකඩ සීමිත බැවින් තෝරාගත් අයදුම්කරුවන් පමණක් ස්ථානගත කිරීමේ පරීක්ෂණයක් සහ සම්මුඛ පරීක්ෂණයක් සඳහා කැඳවනු ලැබේ.
ඔබට Freedom Hub වැඩසටහන් සහ පොදු සිදුවීම්වලට සම්බන්ධ විය හැකි ආකාරය ගැන වැඩිදුර දැනගැනීම සඳහා Facebook හි @FreedomHubLK අනුගමනය කරන ලෙස ද සංවිධායක මණ්ඩලය දැනුම් දෙයි.
ඊමේල් : [email protected]