ලංකා ප්‍රිමියර් ලීග් තරගාවලියේදී ජැෆ්නා කිංග්ස් කණ්ඩායමට ක්‍රීඩා කළ යොවුන් ක්‍රීඩක විජයකාන්ත් වියාස්කාන්ත්ට එළඹෙන බංග්ලාදේශ ප්‍රිමියර් ලීග් (BPL) තරගාවලියට ක්‍රීඩා කිරීමේ අවස්ථාව උදාවී තිබේ.
බංග්ලාදේශ ප්‍රිමියර් ලීගයට ක්‍රීඩා කරන චැටෝග්‍රෑම් චැලෙන්ජර්ස් කණ්ඩායම සමග වියාස්කාන්ත් එක්වනු ඇති අතර ඔහු විදෙස් ලීගයක් සඳහා සහභාගි වන පළමු අවස්ථාවද මෙය වේ.
බංග්ලාදේශ ප්‍රිමියර් ලීග් තරගාවලිය ජනවාරි 5 සිට පෙබරවාරි 16 වැනිදා දක්වා පැවැත්වීමට නියමිතය.
වියාස්කාන්ත් මෙවර එල්.පී.එල්. තරගාවලියේ තරග 8 කදී කඩුලු 13 ක් දවාගැනීමට සමත්විය.
පිට පිටම තෙවරක් එල්.පී.එල්. තරගාවලියේ ශූරතාව දිනූ යාපනය කිංග්ස් කණ්ඩායමේ සාමාජිකයකු වූ වියස්කාන්ත්, මෙම වසරේදී (2022) පැවැති තරගාවලියේදී දැක්වූ කැපී පෙනෙන දස්කම් හේතුවෙන් තරගාවලියේ නැඟී එන ක්‍රීඩකයා ලෙසද සම්මාන ලැබීය.