පාළුව හඩා වැලලෙන යම ගං දොලට..
වැරදී මොකෙක්වත් ආවද මගෙ ගුලට…
විලාප හඩ දෙසවන් කෑරුව කලට…
මහ මූකලම් අදුරේ ගෑටුව දොලට…
බලියක් නටනවද බැලුවා ගොස් ළගට…
දැරියක් හඬා මොර දෙනවා පණ බයට…
සී සී කඩ විසිරුණු කෙහෙරැල් තදට..
අල්ලා එකෙකු අඹරා පාගයි බරට…
අල්ලයි උගුරු දණ්ඩෙන් ඈ උඩුබැලිය…
උන් ඇස් තිබුනෙ ගිලගෙන ඇගෙ බද සුලිය…
නයි කන වියරු වැටුණා මගෙ ගත බලිය…
පලා හත් කඩට ගමි තෙපිගෙන් පලිය..
සුර සැප ගන්න තෙපි ආවද ඈ එක්ක..
මරු වැල් පටල පටලා දෙඅතෙත් එක්ක..
උන් වනසන්ට පෙර පතිවත ඈ රැක්ක..
පැන්නා බිමට පොඩිකර එකෙකුගෙ හක්ක..
දුටුවන සෝන කුමරිය වාගෙම පෙනුනා..
පැසවන හිතේ වෙෙරය එලියට ඇදුනා..
පැමිණුණ ලයේ දුක් ගිනි දෙකනින් හැලුනා..
මියගිය පෙමට යලි පණ දෙන්නට හිතුනා..
ගැහුවා එකෙකු අඹරා යටි බඩ රෑන…
දුන්නා පා පහර නෑ තව ඌ පේන…
පරලොව ගැසුමි අවජාතක කොලු රෑන..
දුවහන් දුවෙි මම රිටිගල ජයසේන…