වසරේ මේ දක්වා කාලය තුළ HIV ආසාදිතයින් 568 දෙනෙකු සහ නොවැම්බර් මාසය තුළ පමණක් ආසාදිතයින් 90 දෙනෙකු හඳුනාගෙන ඇතැයි ජාතික ලිංගාශ්රිත රෝග හා ඒඩ්ස් මර්දන ඒකකය පවසයි.
HIV පරීක්ෂා කිරීමේ ස්වයං පරීක්ෂණ කට්ටල හඳුන්වා දීමත් සමග එලෙස ආසාදිතයින් හඳුනා ගැනීම ඉහළ ගොස් ඇති බව එහි අධ්යක්ෂ, විශේෂඥ වෛද්ය රසාංජලී හෙට්ටිආරච්චි පවසා සිටියාය.
මේ වනවිට වැඩිම ආසාදිතයින් සංඛ්යාවක් හඳුනාගෙන ඇත්තේ ගම්පහ දිස්ත්රික්කයෙන් වන අතර කොළඹ, අනුරාධපුර, පොළොන්නරුව, මහනුවර ඇතුළු දිස්ත්රික්ක කිහිපයකම ආසාදිතයින් වාර්තා වීම ඉහළ ගොස් තිබේ.
එමෙන්ම අධිඅවදානම් ප්රදේශවල ද රෝග පාලනය සඳහා මේ වනවිට විශේෂ වැඩපිළිවෙළක් ක්රියාත්මක බවද වෛද්යවරිය පැවසූවාය.
විශේෂයෙන්ම අනාරක්ෂිත ලිංගික හැසිරීම් අධිඅවදානම් කණ්ඩායම් සිටින ප්රදේශවලදී නොමිලේ කොන්ඩම් ලබා ගත හැකි ක්රමවේදයක් ක්රියාත්මක කර ඇත.
එමෙන්ම දිවයින පුරා ලිංගාශ්රිත රෝග සායනවලින් ස්වයං පරීක්ෂණ කට්ටල ලබා ගත හැකි අතර සායන සඳහා පැමිණිමට අකමැති පිරිස්වලට know4sure.lk වෙබ් අඩවිය හරහා ඇනවුම් කිරීම මගින් මෙම ස්වයං පරීක්ෂණ කට්ටලයක් නිවසටම ගෙන්වා ගැනීමේ හැකියාව පවතී.