තුර්කියේ ඉස්තාන්බුල් අගනුවර එරට වැසියන් දහස් ගණනක් විරෝධතාවල නිරත වන බව විදෙස් මාධ්‍ය වාර්තා කරයි.
ඒ ඉස්තාන්බුල් නගරාධිපති වන එක්රම් ඉමාමොග්ලු සිරගත කිරීමට එරෙහිවයි.
එරට ජනාධිපති රිසෙප් තායිප් එර්ඩර්ගොන්ගේ ප්‍රධාන ප්‍රතිවාදියා වූ, ඉස්තාන්බුල් නගරාධිපතිවරයාට අධිකරණයෙන් වසර 02යි මාස 07ක සිරදඩුවමක් ලබා දීමට එරට අධිකරණය නියෝග කර තිබිණි.
මැතිවරණ නිලධාරීන්ට සිදුකළ අපහාසයක් මුල් කරගනිමින් අධිකරණය එම නියෝගය ලබා දී තිබුණු අතර විරෝධතාකරුවන් පාලක පක්ෂය සහ ජනාධිපතිවරයාව විවේචනය කරමින් විරෝධය පළ කරන බව සඳහන් ය.
විරෝධතාකරුවන් පවසන්නේ අධිකරණය ලබා දුන් තීන්දුව ප්‍රජාතන්ත්‍රවාදය අවභාවිත කිරීමක් බවයි.
මේ අතර එළඹෙන වසරේ ජූනි මාසයේදී එරට ජනාධිපතිවරණය සහ පාර්ලිමේන්තු මැතිවරණය පැවැත්වීමට නියමිත බවටද විදෙස් මාධ්‍ය වාර්තා වල සඳහන් වේ.