පාපන්දු ලෝක කුසලාන තරගාවලියේ දෙවන අවසන් පූර්ව තරගය අළුයම (15) මොරොක්කෝව සහ ප්‍රංශය අතර පැවැති අතර එය 2ට 0ක් ලෙස ජය ගැනීමට ප්‍රංශය සුදුසුකම් ලැබීය.
ඒ අනුව එළැඹෙන ඉරිදා පැවැත්වෙන අවසන් මහා තරගයට ඔවුන් සුදුසුකම් ලබා ගත් අතර තරගය ප්‍රබල ආජන්ටිනාව සහ පසුගිය ලෝක කුසලාන ශූරයින් වන ප්‍රංශය කණ්ඩායට අතර පැවැත්වෙනු ඇත.
තරගය ආරම්භ වී 5 වැනි විනාඩියේදී ප්‍රංශය වෙනුවෙන් ප්‍රථම ගෝලය වාර්තා කිරීමට theo hernández සමත්විය.
අනතුරුව තරගයේ පළමු අර්ධය නිමවනතුරු දෙපාර්ශවයම පාපන්දු පිටිය උණුසුම් කරමින් තරග වැදුනද එය ගෝලයක් බවට පත්කර ගැනීමට කණ්ඩායම් දෙකටම නොහැකි විය.
තරගයේ පළමු අර්ධය නිමා වනවිට 1ට 0ක් ලෙස ප්‍රංශය පෙරමුණ පසුවිය.
දෙවන අර්ධයේදී යළි ක්‍රියාත්මක වූ ප්‍රබල ප්‍රංශ ක්‍රීඩක Randal Kolo Muani 79 වැනි විනාඩියේදී තවත් ගෝලයක් වාර්තා කළේය.
මොරොක්කෝව අවසන් පූර්ව තරගයක් සඳහා සුදුසුකම් ලබා ගත්තේ පළමු වතාවට වීමද විශේෂත්වයකි.
පසුගිය ලෝක කුසලාන තරගාවලියේ අනුශූරයින් වන ක්‍රොඒෂියාව පරදා ආජන්ටිනාව අවසන් මහා තරගයට සුදුසුකම් ලැබූ අතර එය අංන්ටිනාව අවසන් මහා තරගයක් සඳහා සුදුසුකම් ලබාගත් 6 වන අවස්ථාව වේ.
අංන්ටිනාව ලෝක කුසලාන අවසන් මහා තරගවල‍ට සුදුසුකම් ලබා ඉන් දෙවරක් ලෝක ශූරයන් වී ඇති අතර තෙවරක් අනුශුරයින් වී තිබේ.
1930 වසරේදී සමාරම්භක තරගාවලියේ අනුශූරතාව දිනාගත් ආජන්ටිනානුවන් 1978 වසරේදී ශූරතාවයට හිමිකම් කීමට සමත්විය.
අජන්ටිනානුවන් අවසන් වතාවට පාපන්දු ලෝක කුසලාන ශූරතාවයක් දිනා ගනු ලැබුවේ 1986 වසරේදීය. ඒ ඩියේගෝ මැරඩෝනාගේ නායකත්වය යටතේය.
ඒ අනුව වසර 36කින් ඔවුන් ලෝක කුසලාන ශූරතාවලියක් ජයග්‍රහනය කර නොමැත.
එමෙන්ම ප්‍රබල ප්‍රංශය ලෝක කුසලාන අවසන් මහා තරගයක් සඳහා සුදුසුකම් ලබාගත්තේ 4වන වරටය.
මීට පෙර තුන් වරක් ප්‍රංශය ලෝක කුසලාන අවසන් මහා තරගවල‍ට සුදුසුකම් ලබා ඉන් දෙවරක් ලෝක ශූරයන් වී ඇති අතර එක් වරක් අනුශුරයින් වී තිබේ.