ආදර්ශ ආණ්ඩුක්රම ව්යවස්ථාවක් සම්පාදනය කිරීම සඳහා වන සංවාද කතිකාවක් හෙට (03) බණ්ඩාරනායක සම්මන්ත්රණ ශාලාවේදී පැවැත්වීමට නියමිත ය.
ආණ්ඩු පක්ෂ සහ විපක්ෂ දේශපාලන නායකයන්ගේ මෙන්ම විද්වත් වෘත්තිකයන්ගේ සහ සිවිල් සංවිධාන නියෝජිතයන්ගේ සහභාගිත්වයෙන් මේ කතිකාව පැවැත්වේ. මහාචාර්ය දීපිකා උඩගම මේ කතිකාවේ ප්රධාන දේශනය සිදුකරනු ලබයි. ආචාර්ය ජයම්පතී වික්රමරත්න, ආචාර්ය කුමාර් වඩිවේල් ගුරුපරන්, ආචාර්ය රමේෂ් රාමසාමි, පාර්ලිමේන්තු මන්ත්රී නිසාම් කාරියප්පර්, හිටපු පාර්ලිමේන්තු මන්ත්රී උදය ගම්මන්පිල මේ කතිකාවේ කථිකයන් වන අතර, පේරාදෙණිය විශ්වවිද්යාලයේ ආචාර්ය කලණ සේනාරත්න විසින් වැඩසටහන මෙහෙයවනු ලබයි.
One Text Initiative ආයතනය සංවිධානය කරන මේ කතිකාව සඳහා අගමැති හරිනි අමරසූරිය, හිටපු ජනාධිපතිවරුන් වන චන්ද්රිකා බණ්ඩාරනායක, මහින්ද රාජපක්ෂ, මෛත්රිපාල සිරිසේන, ගෝඨාභය රාජපක්ෂ සහ රනිල් වික්රමසිංහ වෙත ද ඇරයුම් කර තිබේ.