2022 මැයි 09 වන දින ගාලු මුවදොර ගෝඨාගෝගම අරගලය භූමියට පහරදීමේ සිද්ධිය සම්බන්ධයෙන් එවකට බස්නාහිර පළාත් භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්ට එරෙහිව ඉදිරිපත් වූ පෞද්ගලික පැමිණිල්ල ප්රතික්ෂේප කිරීමට කොළඹ ප්රධාන මහේස්ත්රාත්වරයා ගත් තීරණය නීතියට පටහැනි බව කොළඹ මහාධිකරණය තීන්දු කළේය.
ඒ අනුව, අදාළ පැමිණිල්ල ප්රතික්ෂේප කිරීමට එරෙහිව අරගලකරුවකු විසින් ඉදිරිපත් කළ අභියාචනයක් දීර්ඝ ලෙස විභාග කිරීමෙන් අනතුරුව අද (18) පැවති නඩුවාරයේදී කොළඹ මහාධිකරණ විනිසුරු මංජුල තිලකරත්න මෙම තීන්දුව ප්රකාශයට පත්කළේය.
කෙසේ නමුත්, මහේස්ත්රාත් අධිකරණය හමුවේ ප්රතික්ෂේපිත වූ මෙම පෞද්ගලික පැමිණිල්ල, අරගලයට පහරදීමේ සිද්ධිය සම්බන්ධයෙන් දේශබන්දු තෙන්නකෝන්ට එරෙහිව නීතිමය පියවර ගන්නා ලෙස ඉල්ලා අරගලකරුවෙකු විසින් ගොනු කර තිබූ අතර, මහාධිකරණය අද ප්රකාශ කළේ එම නිගමනය නීත්යානුකූල නොවන බවයි.