තරුණයකුට වධහිංසා කිරීමේ සිදුවීමකට අදාළ ව පොලිස් නිලධාරීන් සිව්දෙනකුට එරෙහිව ගොනුකර තිබූ අධිචෝදනා නැවත පැවරීමට යටත්ව ඉවත් කරගන්නා බව නීතිපති දෙපාර්තමේන්තුව මාතර මහාධිකරණයට දැනුම් දෙයි.
සැකකරුවන්ගෙන් පෙර ප්රකාශයක් ලබානොගැනීම සහ අත්අඩංගුවට නොගැනීම යන හේතු මත මෙසේ අදාළ චෝදනා ඉවත් කරගන්නා බව නීතිපතිවරයා වෙනුවෙන් පෙනී සිටි රජයේ ජ්යෙෂ්ඨ නීතිඥවරයා අද (08) අධිකරණය ඉදිරියේ සඳහන් කළේය.
මාතර තෙලිජ්ජවිල පොලිසියේ සේවය කරද්දී තෙලිජ්ජවිල පදිංචි දිල්ෂාන් මධුසංඛ නම් තරුණයකු අත්අඩංගුවට ගෙන දින හයකට ආසන්න කාලයක් තිස්සේ රඳවා තබා ගනිමින් වධහිංසා පැමිණවීම සම්බන්ධයෙන් පොලිස් විශේෂ විමර්ශන ඒකකය කළ විමර්ශනයකින් පසු නීතිපතිවරයා මෙම නිලධාරීන්ට අධිචෝදනා ගොනු කර තිබිණි.
එසේ චෝදනා ගොනුකර තිබුණේ වීරකැටිය පොලිස් ස්ථානාධිපති නුවන් බුද්ධික විජේතුංග, තංගල්ල කොට්ඨාස අපරාධ විමර්ශන එකකයේ ස්ථානාධිපති ප්රධාන පොලිස් පරීක්ෂක චන්දු ජයවික්රම, මාලිම්බඩ පොලිසියේ අපරාධ අංශයේ ස්ථානාධිපති පොලිස් පරීක්ෂක සමන්ත විජේසේකර සහ පොලිස් කොස්තාපල් සමන් ජයවර්ධන යන පිරිසට එරෙහිව ය.