මාධ්යවේදීන් ඉලක්ක කොට සිදුකරන ප්රහාරවලට කඩිනමින් නීතිමය පියවර ගන්නා ලෙස ඉල්ලමින් නිදහස් මාධ්ය ව්යාපාරය පොලිස්පති ප්රියන්ත වීරසූරිය වෙත ලිපියක් යවයි.
කිලිනොච්චියේ මාධ්යවේදියකු ලෙස කටයුතු කරන නිදහස් මාධ්යවේදී තමිල් චෙල්වම් සහ අම්පාර දිස්ත්රික් ජනමාධ්ය සංගමයේ සභාපති අචල උපේන්ද්ර පසුගිය දින කිහිපය ඇතුළත මැර ප්රහාරයන්ට ලක් වූ බවත්, මාධ්යවේදී තමිල් චෙල්වම්ට පහරදී ඔහු පැහැරගැනීමට ද උත්සාහ දරා ඇති බවත් එම ලිපිය මගින් පෙන්වා දෙන නිදහස් මාධ්ය ව්යාපාරය, වැලි ජාවාරම්කරුවන් පිරිසක් මාධ්යවේදී අචල උපේන්ද්රට පහරදී කැමරා ආම්පන්නවලට හානි සිදු කර ඇතැයි ද අවධාරණය කරයි.
නිදහස් මාධ්ය ව්යාපාරයේ කැඳවුම්කරු හනා ඊබ්රහීම් සහ එහි ලේකම් ලසන්ත ද සිල්වාගේ අත්සනින් පෙරේදා (04) මේ ලිපිය පොලිස්පතිවරයා වෙත යවා ඇත.
මේ සිදුවීම් 2ම දැඩි පිළිකුළෙන් යුතුව හෙළාදකින බවත්, මෙවැනි සිදුවීම් ප්රජාතන්ත්රවාදී අවකාශයක භාෂණයේ හා ප්රකාශනයේ නිදහසට එල්ල වූ දැඩි තර්ජනයක් ලෙසත් එම ව්යාපාරය පොලිස්පතිවරයාට වැඩිදුරටත් දැනුම් දී තිබේ.
එසේම මෙවැනි පහරදීම් හා තර්ජනය කිරීම් ජනමාධ්යවේදීන්ගේ වෘත්තීය කටයුතුවලට බරපතළ බාධාවක් බවත්, පසුගිය ආණ්ඩු පැවැති කාලවලදී මාධ්ය ආයතන සහ මාධ්යවේදීන්ට එරෙහිව සිදු වූ අපරාධවලට අදාළ යුක්තිය ඉටුවීමේ ක්රියාවලිය අවසන්ව නොමැති පසුබිමක තවදුරටත් මෙවැනි අපරාධ සිදුවීම ශිෂ්ඨ සම්පන්න සමාජයක් ලෙස අනුමත කළ නොහැකි බවත් නිදහස් මාධ්ය ව්යාපාරය මෙමගින් වැඩිදුරටත් පෙන්වා දී ඇත.