නීතියේ ආධිපත්යය සහ ගෞරවය ආරක්ෂා කිරීමටත්, වැඩි දියුණු කිරීමටත් අවශ්ය කඩිනම් ප්රතිසංස්කරණ ක්රියාත්මක කරන ලෙස ආසියානු මානව හිමිකම් කොමිසම ජනාධිපති අනුර කුමාර දිසානායකගෙන් ලිඛිතව ඉල්ලීමක් කර තිබේ.
එම කොමිසමේ ප්රතිපත්ති සහ වැඩසටහන් අධ්යක්ෂ නීතිඥ බැසිල් ප්රනාන්දු විසින් මේ ඉල්ලීම සිදු කර ඇත.
ලංකාවේ නීති ප්රතිසංස්කරණ ක්රියාවලිය සිදුකිරීමේදී ක්ෂණික අවධානය යොමු කළ යුතු වැදගත් ක්ෂේත්ර තුනක් සම්බන්ධයෙන් එම ඉල්ලීමේදී කරුණු දක්වා ඇත. මහාධිකරණවල පවතින බරපතළ ගණයේ අපරාධ නඩු දෛනිකව විභාගයට ගැනීම, අල්ලස හා දූෂණය පාලනය කිරීමට නව නීති හඳුන්වා දීම සහ නීතිපති දෙපාර්තමේන්තුව ප්රතිසංස්කරණය කිරීම මේ කරුණු වේ.
නීතිපති දෙපාර්තමේන්තුවේ ක්රියාකාරිත්වය සහ නඩු ගොඩගැසීම සම්බන්ධයෙන් සමාජයෙන් බරපතළ චෝදනාවක් එල්ල වී ඇති අතර, එය නීතියේ ආධිපත්යය පිළිබඳව පවතින ජනතා විශ්වාසයට සිදුකරන බලපෑම සම්බන්ධයෙන් ද මෙහි සඳහන් කර තිබේ.
නීතියේ ආධිපත්යය ගැන ආසියානු මානව හිමිකම් කොමිසමෙන් ජනාධිපති අනුරට ලිපියක් !
Share post: