රක්ෂිත බන්ධනාගාරගත කරන ලද කොළඹ අපරාධ කොට්ඨාසයේ හිටපු වැඩ බලන අධ්යක්ෂ සහකාර පොලිස් අධිකාරි නෙවිල් සිල්වා මීට පෙර අපරාධ සිදුවීමකින් බේරාහැරීම සඳහා අල්ලස් හෝ දූෂණ විමර්ශන කොමිෂන් සභාවේ වර්තමාන කොමසාරිස් හිටපු නියෝජ්ය සොලිසිටර් ජනරාල් චේතිය ගුණසේකර සම්බන්ධ වී තිබේ.
නෙවිල් සිල්වා නුවරඑළියේ පොලිස් පරීක්ෂකවරයකු ලෙස කටයුතු කරමින් සිටියදී ය, මේ සිදුවීම සිදුවන්නේ. නුවරඑළිය මහෙස්ත්රාත් අධිකරණයේ විභාග වූ ග්රෑම් 45.6ක් බරැති රන් මාලයක් සොරාගැනීම සම්බන්ධ නඩුවකි, මෙය.
මාලයක් සොරකම් කිරීම සම්බන්ධයෙන් අත්අඩංගුවට ගත් පුද්ගලයකු සතුව තිබූ සොරකම් කරන ලද ඉහත බරැති රන් මාලය නඩු භාණ්ඩයක් ලෙස ඇතුළත් නොකිරීම ඔහුට එරෙහිව එල්ල වී ඇති චෝදනාවයි.
මේ සම්බන්ධයෙන් වහාම විමර්ශනයක් කරන ලෙස නුවරඑළිය මහෙස්ත5ාත්වරයා විසින් නුවරඑළිය විශේෂ විමර්ශන අංශයට නියෝග කර තිබේ. එම ඒකකය මගින් පැවැත්වූ විමර්ශනයෙන් අනාවරණය වී ඇත්තේ මේ සොරකමට අදාළ විමර්ශනය සිදු කළ නෙවිල් සිල්වා විසින් අදාළ රන් මාලය බාර දී නැති බවයි. වසර 5කට පසු මේ සම්බන්ධයෙන් ප්රකාශ ලබාගනිද්දී නෙවිල් සිල්වා අදාළ රන් මාලය විමර්ශකයන්ට බාරදී ඇත්තේ තමන්ට එය බාරදීමට අමතක වූ බව පවසමින් ය. එය තමන්ගේ සාක්කුවේ තිබූ බව පවසමින් ය.
ඒ අනුව ඔහුට එරෙහිව 30028/12 නඩුව විභාග කිරීම ආරම්භ කර ඇත. මේ නඩුවේදී සාපරාධී විශ්වාසය කඩකිරීම, සාපරාධී පරිහරණය ඇතුළු අපරාධ වැරදි ගණනාවක් නෙවිල් සිල්වා සම්බන්ධයෙන් අනාවරණය වී ඇත. ඔහුට එරෙහිව වෙනම බී වාර්තාවක් ගොනුකරන ලද අතර, එහි දැක්වෙන්නේ බී/258/04 දරන නඩුවට අදාළ ව සාපරාධී පරිහරණය යන චෝදනාව එල්ල කරමින් ය.
මීට අදාළ සියලු විමර්ශන සිදුකිරීමෙන් පසු නීතිපතිවරයා වෙත නඩු ගොනුව යවා ඇත. 2015 ජූලි 22 දින මේ නඩුව කැඳවූ අවස්ථාවේදී පොලිස් විශේෂ විමර්ශන ඒකකය මගින් නීතිපති ලබාදුන් උපදෙස් බව සඳහන් ලිපියක් අධිකරණයට ඉදිරිපත් කර තිබේ.
2017 ජූලි 02 වැනි දින මේ ලිපිය යොමුකර ඇත්තේ පොලිස් මූලස්ථානයේ නීති අධ්යක්ෂවරයා වෙත ය. එම ලිපියට අත්සන් කර ඇත්තේ එවකට නියෝජ්ය සොලිසිටර් ජනරාල් චේතිය ගුණසේකර ය. මේ ලිපියේ සඳහන් වන්නේ ඉහත නඩුවට අදාළ සැකකරු වන ප්රධාන පොලිස් පරීක්ෂක නෙවිල් සිල්වා යන අයට විනය පියවර ගැනීම සඳහා නියෝජ්ය පොලිස්පති, විනය හා කල්ක්රියා දිසාව විසින් කටයුතු කර ඇතැයි නීතිපති වෙත දැනුම් දී ඇති බවයි. එම නිසා නුවරඑළිය විශේෂ විමර්ශන අංශය විසින් මේ නඩුව තවදුරටත් පවත්වාගෙන යෑම අවශ්ය නොවන බව එහි පැහැදිලිව දක්වා ඇත.
අල්ලස් හෝ දූෂණ විමර්ශන කොමිෂන් සභාවේ වර්තමාන කොමසාරිස්වරයෙකි, මේ චේතිය ගුණසේකර යනු.