“ස්ත්‍රී පුරුෂ සමාජභාවය මත පදනම්වූ ප්‍රචණ්ඩත්වයෙන් තොර ශ්‍රී ලංකාවක් කරා: සැමට සුරක්ෂිත පොදු අවකාශයක්” යන තේමාව යටතේ පැවැත්වෙන, ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වය පිටුදැකීමේ දින 16ක වැඩසටහන් මාලාවේ සමාරම්භක දිනය ඊයේ (25) ආරම්භ විය. මෙම අවස්ථාවට අග්‍රාමාත්‍ය අචාර්ය හරිණි අමරසුරිය, ළමා සහ කාන්තා කටයුතු අමාත්‍ය සරෝජා සාවිත්‍රි පොල්රාජ් ඇතුළු පිරිසක් සහබාගී විය.
ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වය ලෝකයේ වඩාත්ම පැතිරුණු මානව හිමිකම් උල්ලංඝනයන්ගෙන් එකක් ලෙස පවතින අතර, ශ්‍රී ලංකාවේ කාන්තාවන් 10 දෙනෙකුගෙන් 9 දෙනෙකුම පොදු ප්‍රවාහනයේදී හිරිහැරවලට ලක්ව ඇත.
කාන්තාවන්ට එරෙහි ප්‍රචණ්ඩත්වය පිටුදැකීමේ ජාත්‍යන්තර දිනයේ දී, ශ්‍රී ලංකාවේ එක්සත් ජාතීන්ගේ සංවිධානය ස්ත්‍රී පුරුෂ සමාජභාවය පදනම් කරගත් හිංසනයෙන් පීඩාවට පත් වූ කාන්තාවන් සහ ගැහැණු ළමයින් සමඟ සහයෝගීතාවයේ පෙළපාලිය සඳහා රජය, GBV එරෙහි සංසදය, පෞද්ගලික අංශයේ නායකයින්, සිවිල් සමාජ සංවිධාන සහ සංවර්ධන හවුල්කරුවන් සමඟ එක් විය. සහ පොදු අවකාශයන් හිරිහැරයෙන් සහ බියෙන් තොරව සැමට ආරක්ෂිත බව සහතික කිරීමට නිර්භීත ක්‍රියාමාර්ගයක් ඉල්ලා සිටියේය.
