කුමුදු ගේ කොළඹ මතක අවංක හා විවෘත ලියැවිල්ලක්

කොළඹ නගරයේ නවීන ඉතිහාස කතාව කුමුදු කුමාරසිංහ ඇගේ මතක කැබලි එක් කරමින් සටහන් කරනවා. දෙමටගොඩ කුස්සි ගෙදර සිට ප්‍රසිද්ධ වේදිකාව කරා ඇය ගිය ගමන් මග පිළිබඳ මතක සටහන් ගණනාවක් කොළඹ මතක – 1 සහ කොළඹ මතක – 2 කෘතීන් දෙකට ඇතුළත්.
මහාචාර්ය සසංක පෙරේරා මේ ගැන මෙන්න මෙහෙම කියනවා.
‘බොහෝ වෙලාවට පොරවල් ස්වයං චරිතාපදාන ලියන කොට, නැතිනම් ඒවා කාට හරි කියලා ලියවාගන්න කොට ඒවාට ගේන තොරතුරුමය සංස්කරණ වැඩියි. ඒ ගොල්ලන්ට හංගන්න දේවල් වැඩියි. ලංකාව සම්බන්ධ මේ වගේ කෘති හැටියට, හමුදා නිලධාරීන්ගේ මතක සටහන් හෝ දේශපාලකයින් ගේ චරිතාපදාන ගන්න පුළුවන්. මේවා කියෙව්වාම පේන්නේ මේ අය කිසිම වැරැද්දක් කවදාවත් නොකළ බෝසත් ළමා ළපටීන් බවයි. ඒවා බොහෝ දුරට ෆ්ලැට් ලියැවිලි..’
කුමුදු ගේ කොළඹ මතක ඒ ගණයට නොවැටෙන අවංක හා විවෘත ලියැවිල්ලක්.

සමන් අතාවුදහෙට්ටි