ශ්රී ලංකාව දරුණුතම ආර්ථික අර්බුදයක සිටින අවස්ථාවක ඊට සහයෝගය දැක්වීමට හැකිවීම පිළිබඳ තමන් සතුටු වන බවත් මේ මොහොතේ එසේ සිදුනොකළේ නම් රජය සිය වගකීම පැහැර හැරියා සේ වන බවත් ඉන්දීය විදේශ කටයුතු අමාත්යවරයා පවසයි.
ඉන්දීය විදේශ කටයුතු අමාත්ය එස්. ජයිසංකර් ඊයේ (07) එරට පාර්ලිමේන්තුව මේ බව ප්රකාශ කර තිබේ.
විශේෂයෙන්ම ශ්රී ලංකාවේ දමිල ප්රජාවට යම් අසාධාරණයක් සිදුවනවානම් ඊට මැදිහත් වන බවද, නමුත් අර්බුදකාරී අවස්ථාවේදී ජන වර්ගයක් පදනම් නොකරගෙන දමිල ජනතාවට පමණක් නොව සිංහල සහ අනෙකුත් ජනතාවටද රජය සිය සහයෝගය ලබාදීමට කටයුතු කිරීම ඉතා අගයකරන බව ඔහු පෙන්වාදෙයි.
සිය රජයේ විදේශ ප්රතිපත්තිය පිළිබඳව ඊයේ දිනයේදී ඉන්දීය විදේශ අමාත්යවරයා පාර්ලිමේන්තුවේදී අදහස් පළ කළ අතර එහිදී වයිකෝ විසින් ශ්රී ලංකාව සම්බන්ධයෙන් එක්සත් ජාතීන්ගේ මානව හිමිකම් කවුන්සිලයට ගෙන ආ යෝජනාවේදී ඉන්දීයාව අදාළ යෝජනාවට ඡන්ද ප්රකාශ කිරීමෙන් වැළකී සිටිම සම්බන්ධයෙන් පැහැදිලි කිරීමක් ඉල්ලා සිටියේය.
ඊට පිළිතුරු දෙමින් ඉන්දීය විදේශ කටයුතු අමාත්ය එස් ජයශංකර් සඳහන් කළේ, ඉන්දියාව ශ්රී ලංකාවට එරෙහිව ඡන්ද ප්රකාශ කිරීමට නොපැමිණියේ ඉන්දීයාවේ දීර්ඝකාලීන ස්ථාවරයට අනුව බවය.