පුනරුත්ථාපන කාර්යාංශය යටතේ පාලනය වන පුනරුත්ථාපන මධ්යස්ථානවලට විෂ මත්ද්රව්යවලට ඇබ්බැහිවූවන් තවත් 873 දෙනකු ඇතුළත් කරගත හැකි බව අධිකරණ සේවා කොමිෂන් සභාව මගින් සියලුම මහෙස්ත්රාත්වරුන් වෙත ලිඛිත ව දැනුම් දෙයි.
අධිකරණ සේවා කොමිෂන් සභාවේ ලේකම් සංජීව සෝමරත්න විසින් මේ බව ඊයේ (21) දැනුම් දී ඇත. මාස 06ක පුනරුත්ථාපන ක්රියාවලියක් සඳහා විෂ මත්ද්රව්යවලට ඇබ්බැහිවූවන් යොමුකිරීම අධිකරණ මගින් සිදුකරයි. පසුගිය කාලයේදී එවැනි චූදිතයන් පුනරුත්ථාපන මධ්යස්ථාන වෙත යොමුකිරීම වෙනුවට බන්ධනාගාරගත කිරීම සිදු විය. මේ සම්බන්ධයෙන් කළ අධ්යයනයකදී අධිකරණ සේවා කොමිෂන් සභාව හඳුනාගෙන ඇත්තේ පුනරුත්ථාපන මධ්යස්ථානවල තත්ත්වය පිළිබඳ අධිකරණ නිලධාරීන් නිවැරදිව දැනුවත් වී නැති බවයි.
ඒ අනුව පුනරුත්ථාපන කාර්යාංශයේ කොමසාරිස් (පුනරුත්ථාපන) මගින් මේ මධ්යස්ථානවල ඇති ඉඩපහසුකම් පිළිබඳව විමසීමක් කර ඇති අතර, ඊට ප්රතිචාර වශයෙන් එම කාර්යාංශයෙන් දැනුම් දී ඇත්තේ විෂ මත්ද්රව්යවලට ඇබ්බැහිවූවන් 873 දෙනකු සඳහා ඉඩ ඇති බවයි.
පුනරුත්ථාපන කාර්යාංශය යටතේ පාලනය වන ප්රධාන මධ්යස්ථාන 03ක් තිබේ. කන්දකාඩු ප්රතිකාර හා පුනරුත්ථාපන මධ්යස්ථානය, සේනපුර තෘතීක හා වෘත්තීය සාක්ෂරතා පුහුණු මධ්යස්ථානය, වව්නියාව ඒකාබද්ධතා මධ්යස්ථානය එම මධ්යස්ථාන 03 වේ.