පාර්ලිමේන්තු මන්ත්‍රී උද්දික ප්‍රේමරත්නගේ වාහනයට වෙඩි තැබීමේ සිද්ධියට සම්බන්ධ බවට සැක පිට අනුරාධපුර හිටපු සහකාර පොලිස් අධිකාරි සංජීව මහානාම අත්අඩංගුවට ගන්නා අවස්ථාවේ සිට ඇත්තේ කුප්‍රකට කෝටිපති ව්‍යාපාරික විරංජිත් තාඹුගල සමග ඔහුට අයත් මාලඹේ බස් නැවතුම්පොළ ආසන්නයේ පිහිටි නිවසක බව පොලිසිය තහවුරු කරයි.
විල්පත්තුව ජාතික වනෝද්‍යානයේ ප්‍රේරක කලාපයේ නීතිවිරෝධී ලෙස කෝමාරිකා ව්‍යාපෘතියක් ක්‍රියාත්මක කිරීම ඇතුළු අක්‍රමිකතා රැසක් පිළිබඳව තාඹුගලට චෝදනා එල්ල වී තිබේ.
මේ සහකාර පොලිස් අධිකාරිවරයා අදාළ සිදුවීම සම්බන්ධයෙන් අත්අඩංගුවට ගැනීමට පෙර විදේශගත වී තිබිණි. ඉන්පසු ඔහු අපේක්ෂිත ඇප අයැදුම්පතක් අනුරාධපුර මහේස්ත්‍රාත් අධිකරණයට ඉදිරිපත් කර තිබූ අතර, එය අධිකරණය ප්‍රතික්ෂේප කර තිබිණි.