ප්ලම් මල් සුගන්ධය වහණය වන කාලයයි මේ … !!

Share post:

ප්ලම් මල් සුවඳ : මත්සුඕ බෂෝගේ හයිකු කාව්‍ය සේවනය – 2024 ඊයේ දින , එනම් 2024 අගෝස්තු මස 15 වැනි බ්‍රහස්පතින්දා දින නුගේගොඩ සරසවි ප්‍රකාශන ආයතනයේ දී ප්‍රකාශයට පත්විය .

කොළඹ හා ඒ අවට දිවිගෙවන සහෘද … ඔබට එළැඹෙන අඟහරුවාදා දින ( 20 වැනි ) සිට නුගේගොඩ පිහිට සරසවි ප්‍රධාන පොත් සාප්පුවෙන් ඇතුළුව කොළඹ අවට අනෙකුත් සරසවි ශාඛාවලින් ද දිවයිනේ සතර දිග්භාගයේ දිවිගෙවන සහෘද … ඔබට ලබන බදාදා දින ( 21 වැනි ) සිට මහනුවර සරසවි ශාඛාවලින් ඇතුළුව දිවයින් පිහිටි සෙසු සරසවි ශාඛාවලින් ද මෙම පරිවර්තන ජපන් හයිකු කාව්‍ය සංග්‍රහය මිලදී ගැනීමට හැකි බව සතුටින් දන්වමි.
දසමසක් කුසෙහි දරාගෙන තම දරුගැඹ හෑල්ලු කරගන්නා මවකට තම මෙලොව එළිය දුටු කිරිකැටියා කුළුදුලේ දෝතට ගත්විට කිනම් සතුටක් ඇති වෙත්ද එවන් හෝ ඊට සමාන හෝ සතුටක් කුමන තරාතිරමක හෝ ලේඛකයකුට හෝ ලේඛිකාවකට තම අලුත්ම පොත අතට ගන්නාවිට ඇතිවන්නේ ය . සැබවින්ම මෙවන් වූ රටක ලේඛකයකුට හිමිවන එකම නිරාමිස සතුට ද එසේම සැනසීම ද එයම වන්නේ ය. එය මට ද පොදුය .

මෙම පරිවර්තන හයිකු කාව්‍ය සංග්‍රහය ගෙවන මුදලට ( රු 975 /= ) සහෘද … ඔබට ජාත්‍යන්තර නිමාවක් සහිතව මාතෘකාවට අදාල ශාස්ත්‍රීය දැනුම් සම්භාරයක් ද උරුමකර දෙනු ඇත .

මෙම වෙහෙසකර කටයුත්තක පිටුපස බොහෝ දෙනෙකු වෙති. මෙහි කිනම් හෝ සාර්ථකත්වයක් වෙත්ද එහි ගෞරවය පෞද්ගලිකව මට පමණක් හිමි නොවිය යුතු අතර ඒ පිටුපස වූ සෑම අයකුටම සමසේ හිමිවිය යුතුය .

මෙහි ජනගත උත්සව කියා කිසිවක් නොමැත . එළැඹෙන සැප්තැම්බරයේ කොළඹ පැවැත්වෙන ජාත්‍යන්තර පොත් ප්‍රකාශයේ සමහරවිට සහෘද ඔබට මගේ අත්සනින් යුතුව මෙම පරිවර්තන හයිකු කාව්‍ය සංග්‍රහය මිලදීගැනීම හැක්වනු ඇතැයි කියා මම සිතමි. එසේම ජනගත උත්සවයක් පැවැත්වීම මැනවැයි කියා මට යෝජනා කළ මා සහෘද ව්‍යාපාරික ඔබට බොහෝම පින්. ඔබේ එම වචනය ප්‍රායෝගික තලයක රැගෙන ඒමට මා අපොහොසත් වුවද එම වචනය මගේ හදවතේ සදා නොමියෙන සේ තැම්පත්ව ඇත.

පූජ්‍ය ඇතිපොළ මංගල හිමි

Related articles

කච්චතිව් නඩුව සහ මෝදිගේ ලංකාගමනය !

ඉන්දීය අගමැති නරේන්ද්‍ර මෝදි ලබන 05 වැනිදා ලංකාවට පැමිණීමට නියමිත ය. එහිදී ඔහු සාම්පූර් ප්‍රදේශයේ ඉදිකිරීමට සැලසුම් කර...

කැන්ගරු කැබ්ස් Genie Business සමග එක් වී Tap to pay ගෙවීම් ක්‍රමය හඳුන්වා දෙයි !

වසර 35ක් පාරිභෝගික විශ්වාසය දිනා ගනිමින් ශ්‍රී ලංකාවේ කුලී රථ සේවාවේ ප්‍රමුඛයෙකු වන කැන්ගරු කැබ්ස් නව තාක්ෂණයේ ඉදිරි...

“නාඔටුන්නගෙ කවි බහුතරය ගේන්නෙ වළ දාපු දුකක්” – ‘කළු පැහැති කුඩා පොත’

කළු පැහැති කුඩා පොත - සචින්ත ප්‍රමෝද් නාඔටුන්න මම වැඩිපුරම ආස පෙම් කවි කියවන්න. දැන් මං ආස පෙම් කවි...

මහාධිකරණ විනිසුරුවරුන්ට අධිකරණ සේවා කොමිසමෙන් වත්කම් ගැන ලිඛිත දැනුම්දීමක් !

විනිසුරුවරුන් නොවන අධිකරණ නිලධාරීන් 2024 සඳහා වාර්ෂික වත්කම් සහ බැරකම් ප්‍රකාශන ඉදිරිපත් කිරීමට අපොහොසත් වීම සම්බන්ධයෙන් තොරතුරු ලබාදෙන...