ඉදිරි ජනාධිපතිවරණය පැවැත්වීම සම්බන්ධයෙන් සාකච්ඡා කිරීම සඳහා මැතිවරණ කොමිසම බ්‍රහස්පතින්දා (25) රැස්වීමට නියමිත බව ය.
2024 ජනාධිපතිවරණය පැවැත්වෙන දිනය තීරණය කිරීම සම්බන්ධයෙන් මෙහිදී මූලික වශයෙන් සාකච්ඡා කෙරෙන අතර ඉන් අනතුරුව මැතිවරණ දිනය ප්‍රකාශයට පත්කිරීමට නියමිත ය.
කෙසේවෙතත්, මැතිවරණ කොමිසමේ ප්‍රකාශකයෙකු සඳහන් කළේ ජනාධිපතිවරණය ප්‍රකාශයට පත්කිරීමට අදාළ ගැසට් නිවේදනය මෙම සති අන්තයට පෙර ප්‍රකාශයට පත්කරන බවයි.
මේ අතර විශ්වාස කටයුතු ආරංචි මාර්ග සඳහන් කරන්නේ සිකුරාදා (26) මැතිවරණය ප්‍රකාශයට පත්කිරීමට නියමිත බවයි. ඉන්පසු අගෝස්තු 15දා නාමයෝජනා කැඳවීමට නියමිත අතර, මැතිවරණය සැප්තැම්බර් 21දා පැවැත්වීමට බොහෝ දුරට ඉඩ ඇතැයි ද අදාළ ආරංචි මාර්ග සඳහන් කරයි.