දුම්රිය වර්ජනය අද (11) මධ්‍යම රාත්‍රියේ සිට අවසන් කිරිමට දුම්රිය වෘත්තීය සමිති තීරණය කළේය.
ප්‍රවාහන අමාත්‍ය බන්දුල ගුණවර්ධන සමග පැවති සාකච්ඡාවෙන් අනතුරුව එම තීරණය ගැනිණි. ඉල්ලිම් කිහිපයක් මුල්කරගනිමින් දුම්රිය ස්ථානාධිපතිවරුන් සහ දුම්රිය පාලකවරුන් 09දා මධ්‍යම රාත්‍රියේ සිට වැඩ වර්ජනයක නිරත විය.
මේ සම්බන්ධයෙන් අප කළ විමසීමකදී දුම්රිය සාමාන්‍යධිකාරි එස්.එස්. මුදලිගේ පැවසුවේ අද රාත්‍රී 10 සිට සේවයට වාර්තා කිරීමට දුම්රිය සේවකයන් එකඟ වූ බවයි. එම නිසා ඔවුන් වෙත යොමුකළ සේවය හැරයෑමේ ලිපිවල වලංගුභාවයක් නොමැති බව ද ඔහු සඳහන් කළේය.