Business World International සම්මාන උළෙල ටාජ් සමුද්‍රා හෝටලයේදී !

Share post:

ඇමරිකා එක්සත් ජනපදයේ Business World International Organization සංවිධානය කළ Business World International සම්මන්ත්‍රණය හා සම්මාන උළෙල ඇමතිවරුන්, තානාපතිවරුන් සහ කළාකරුවන් රැසකගේ සහභාගීත්වයෙන් ටාජ් සමුද්‍රා හෝටලයේදී උත්කර්ෂවත් ලෙස පැවැත්විණි.

මෙම වසරේ සම්මාන උළෙලේ තේමාව වූයේ 2030 වසර සඳහා එක්සත් ජාතීන්ගේ තිරසාර සංවර්ධන ඉලක්ක සඳහා ඇති කැපවීම යන්නයි. Business World International Organization (BWIO) යනු ගෝලීය ව්‍යාපාර ක්ෂේත්‍රයේ ජයග්‍රහණ සහ හැකියා හඳුනා ගැනීමේ අරමුණෙන් ඇමරිකා එක්සත් ජනපදයේ පිහිටුවා ඇති සංවිධානයකි. BWIO සම්මාන උළෙලේදී ව්‍යාපාර ආයතනවල විශිෂ්ටත්වය හඳුනා ගෙන ඒවා අගය කරන අතර ක්ෂේත්‍රයේ ඇති අභියෝග ජය ගැනීමට සහ සිය කුසලතා ලොවට පෙන්වීමට ව්‍යවසායකයන් දිරිමත් කරයි. කාණ්ඩ 59ක් යටතේ පවත්වන මෙම සම්මාන උළෙලේදී නව ව්‍යාපාර, ව්‍යාපාර ලෝකයේ දැවැන්තයන්, සමාජය වෙනස් කිරීමට දායකවන්නන්, තිරසාර සංවර්ධන උපදේශකයන් සහ විවිධ ක්ෂේත්‍රවල සුවිශේෂ දස්කම් දක්වන වෘත්තිකයන් ආදී විවිධ පිරිස් වෙත සම්මාන පිරිනමයි.

සම්මාන උළෙලේ ප්‍රධාන ආරාධිතයා වූයේ කථානායක මහින්ද යාපා අබේවර්ධන මහතාය. ගෙෳරවණීය ආරාධිතයා ලෙස ලිඩියා පෝල් මහතා (ජාත්‍යන්තර සභාපති – BWIO ඕස්ට්‍රේලියාව) සහභාගි විය. විශේෂ ආරාධිත අමුත්තා වූයේ නැගෙනහිර ආණ්ඩුකාර එම්. සෙන්දිල් තොණ්ඩමන් මහතාය.

ආචාර්ය ඩෙක්ස්ටර් ප්‍රනාන්දු (ආරම්භක සභාපති – BWIO ජාත්‍යන්තර අංශය), ආචාර්ය තරිදු විජේනායත (නියෝජ්‍ය සභාපති – BWIO ජාත්‍යන්තර අංශය) හා ආචාර්ය එම්. ඒ. ඒ. ජබ්බාර් (උප සභාපති – BWIO ශ්‍රී ලංකා ශාකාව), ආචාර්ය එමරිටා විජේනායක (ව්‍යාපෘති සභාපති – ලෝක අලංකාර සම්මාන සහ ජාත්‍යන්තර කාන්තා විශිෂ්ටතා සම්මාන – BWIO ඇමරිකා එක්සත් ජනපදය) යන මහත්ම මහත්මීහුද සම්මාන උළෙලට සහභාගී වූහ. සම්මාන උළෙල චන්න – උපුලි නර්තන කණ්ඩායම, ජනනාත් වරකාගොඩ හා ඇන්තනී සුරේන්ද්‍ර විසින් වර්ණවත් කරන ලදී. BWIO සම්මාන උළෙලට ප්‍රධාන අනුග්‍රාහකත්වය දක්වන ලද්දේ මල්ටිනැෂනල් සමූහ ව්‍යාපාරයේ සභාපති ආචාර්ය ටී. දර්ශනන් මහතාය.

Related articles

රසිකාගේ හරි අපුරු ‘‘ කොළඹ වැස්ස ““

වර්ණ රසිකා ගුණවර්ධන සහ මම එකිනෙකට වෙනස් මතයන් සහ කණ්ඩායම් නියෝජන කරන චරිත දෙකක් ඒක සංස්කෘතිමය සමාජීය හා...

උද්දිකගේ නාට්‍යයේ ඒඑස්පී හිටියේ කුප්‍රකට ව්‍යාපාරික තාඹුගල සමග මාලඹේ නිවසේ !

පාර්ලිමේන්තු මන්ත්‍රී උද්දික ප්‍රේමරත්නගේ වාහනයට වෙඩි තැබීමේ සිද්ධියට සම්බන්ධ බවට සැක පිට අනුරාධපුර හිටපු සහකාර පොලිස් අධිකාරි සංජීව...

38න් 1 පරිච්ඡේදය – ව්‍යවස්ථාවේ බලතල යොදාගෙන නීතිවිරෝධී මැතිවරණ අල්ලස් දෙන රනිල් !

ජේ.ආර්. ජයවර්ධන 77 ඡන්දයෙන් ලංකාවේ අගමැතිවරයා විය. අගමැති ධුරයේ දිවුරුම් දුන් ඔහු ඒ වන විට ක්‍රියාත්මක වූ 72...

මිරුසුවිල් සමූහ ඝාතකට දුන් ජනාධිපති සමාවට එරෙහි පෙත්සම් විභාගයට : අපරාධයේ තරම කොතෙක්ද?

මිරුසුවිල් සමූහ ඝාතන සිද්ධිය සම්බන්ධයෙන් මරණ දඬුවම නියම වී සිටි යුද හමුදාවේ කෝප්‍රල් සුනිල් රත්නායකට ජනාධිපති සමාව ලබාදීමට...