සිසුන්ට අධ්‍යාපන ණය පහසුකම් සැපයීමට IIHS සහ DFCC බැංකුව එක් වේ !

Share post:

මෙරට සෞඛ්‍ය අධ්‍යාපන ක්ෂේත්‍රයේ ප්‍රමුඛයා වන International Institute of Health Sciences (IIHS) ආයතනය එහි සිසුන්ට 16.5%ක් වැනි ආකර්ෂණීය පොළී අනුපාතයක් සහ තවත් වාසි රැසක් සමඟ අධ්‍යාපන ණය ගැනීමට අවස්ථාව සළසමින් DFCC බැංකුව සමඟ එක් වේ. එක්සත් රාජධානියේ කොවෙන්ට්‍රි විශ්ව විද්‍යාලය සමඟ අනුබද්ධ උසස් අධ්‍යාපන ආයතනයක් වන IIHS ආයතනය හෙද සේවය හා සම්බන්ධ අධ්‍යාපන සුදුසුකම් සපුරා ගැනීමට සිසුන්ට අවස්ථාව සළසයි. මෙම සහයෝගීතාව ඇති කර ගැනීමේ අවස්ථාවට IIHS ප්‍රධාන විධායක නිලධාරී විශේෂඥ වෛද්‍ය  කිත්සිරි එදිරිසිංහ මහතාත් DFCC බැංකුවේ බැංකුකරණ, ප්‍රේෂණ සහ ව්‍යාපාර සංවර්ධන අංශය නියෝජනය කරමින් ඇන්ටන් ආරුමුගම් මහතාත්  සහභාගී වූහ.

මෙම සහයෝගීතාව හරහා පිළිගත් මූල්‍ය ආයතනයක සහයෝගය සමඟ සෞඛ්‍ය ක්ෂේත්‍රයට අදාළ ගුණාත්මක අධ්‍යාපන සුදුසුකම් සපුරා ගැනීමට සිසුන්ට අවස්ථාව ලැබේ. ආකර්ෂණීය ණය පහසුකමක් සමඟ ගෝලීය වශයෙන් පිළිගැනීමක් සහිත උපාධි පාඨමාලාවක් හැදෑරීමට සිසුන්ට ලැබෙන මේ අවස්ථාව සෞඛ්‍ය ක්ෂේත්‍රයේ ගුණාත්මක බව තහවුරු කිරීමට උපකාර වේ. විශේෂයෙන්ම වර්තමාන ආර්ථික තත්ත්වය තුළ මෙම සහයෝගීතාව හරහා සිසුන්ට වාසි රැසක් ලැබෙනු ඇතැයි IIHS ආයතනය සඳහන් කළේය. පාඨමාලා ගාස්තුවෙන් 100%ක් ණය මුදලක් වශයෙන් ගත හැකි වීම, වසර හතක් තුළ ආපසු ගෙවීමේ හැකියාව (පළමු මාස 18 තුළ පොළිය පමණක් ගෙවිය යුතු වේ) සහ ඉතා පහසුවෙන් සේවය ලැබිය හැකි වීම මෙම සහයෝගීතාවේ වාසි අතර වේ.

IIHS ආයතනය හෙද සේවය පිළිබඳ විද්‍යාවේදී (ගෞරව) උපාධියක් ඇතුළු විවිධ උපාධි පාඨමාලා පිරිනැමීමට සැළසුම් කර ඇති අවස්ථාවක සිසුන්ට මෙවැනි ණය පහසුකමක් ගැනීමට අවස්ථාව උදා වීම සුවිශේෂ කරුණකි. නව සහයෝගීතාව පිළිබඳව අදහස් දක්වමින් විශේෂඥ වෛද්‍ය කිත්සිරි එදිරිසිංහ මහතා මෙසේ පැවසීය. “නිසි සුදුසුකම් සහ පුහුණුව ලැබූ හෙද, අනෙකුත් සෞඛ්‍ය සේවා වෘත්තිකයන්ට දේශීය මෙන්ම ජාත්‍යන්තර වශයෙන් විශාල ඉල්ලුමක් තිබෙනවා. අප ආයතනය කොවෙන්ට්‍රි විශ්ව විද්‍යාලය සමඟ ඒකාබද්ධව පිරිනමන උපාධි පාඨමාලා හෙද ක්ෂේත්‍රයේ රැකියාවක් බලාපොරොත්තු වෙන සිසුන්ට ඉතා හොඳ තෝරා ගැනීමක්.”

“ශ්‍රී ලංකාවේ සෞඛ්‍ය අධ්‍යාපන ක්ෂේත්‍රයේ ප්‍රමුඛයා වන IIHS ආයතනය සමඟ එකතු වීමට ලැබීම ඉතා සතුටට කරුණක්. සෞඛ්‍ය ක්ෂේත්‍රයේ වෘත්තීය ගමනක් අරඹන්න බලාපොරොත්තු වෙන සහ ඒ සඳහා අවශ්‍ය සුදුසුකම් සපුරා ගන්න උත්සාහ කරන තරුණ තරුණියන්ට IIHS ආයතනය ඉතා හොඳ තෝතැන්නක්.” ඇන්ටන් ආරුමුගම් මහතා අදහස් දක්වමින් එලෙස පැවසීය.

Related articles

අධිකරණයට අපහාස කිරීම පිළිබඳ පුළුල් සංවාදයක් අවශ්‍යයි !

අධිකරණයට අපහාස කිරීම පිළිබඳව අලුතින් සංවාදයක් ඇති වී තිබේ. ඊට හේතු වී තිබෙන්නේ පසුගිය මාර්තු 28  වැනිදා පුත්තලම...

‘මෝදිගේ ලංකාගමනය’ කියවාගත යුත්තේ කොතැනින් ද?

ඉන්ද්‍රීය අග්‍රාමාත්‍ය නරේන්ද්‍ර මෝදි දෙදින සංචාරයක් සඳහා ලංකාවට පැමිණියේය. ලංකාවේ විශාලතම අසල්වැසි රාජ්‍යය වන ඉන්දියාවේ අගමැතිවරයා අවසාන වතාවට...

සූරි වසර හතලිහක් තිස්සේ සිංහල, පෝලන්ත මෙන්ම ඉංග්‍රිසි බසින් රචනා කළ කවි කියවමින් ගෙවුන සන්ධ්‍යාව

සූරි -රත්නසිරි සූරියආරච්චි පිළිබඳ මගේ මතකය ඇරඹෙනුයේ 1985වසරේ අග සිටය. ඒ මගේ සරසවි දිවියේ පළමු වසර වන අතර...

මනෝහරී ජයලත්ගේ අලුත්ම නවකතාව ” නිදොස්මි නිදහස්මි”

ආර්ථික වශයෙන් මෙන්ම සමාජීය හා සංස්කෘතික වශයෙන් ද පසුගාමී සමාජයක ස්ත්‍රී පුරුෂ සමාජභාවී ප්‍රතිවිරෝධතා උත්සන්න තලයක පවතී. සෑම...