ගිනි කෙළි කර්මාන්තශාලාවක පිපිරීමකින් තායිලන්තයේ 23 දෙනෙක් ජීවිතක්ෂයට පත්වෙති. අවසර සහිතව ක්‍රියාත්මක වූ කර්මාන්තශාලාවක් මෙලෙස පිපිරී ඇති බව ප්‍රදේශයේ බලධාරීහු පවසති. පිපිරීමට හේතුව මෙතෙක් හෙළිව නොමැත. පොලීසිය පරීක්ෂණ ආරම්භ කර තිබේ. පිපිරීම සිදුවන විට කර්මාන්තශාලාවේ සිටි 23 දෙනාම අනතුරෙන් මියගිය බව සනාථ විය. පිපිරීමෙන් අවට ප්‍රදේශවලට බරපතල හානි සිදුව නැතත්, එක් නිවසක වීදුරු පිපිරී ඇති බව පොලීසිය සඳහන් කරයි.