ජපාන ගුවන් අනතුරින් වෙරළාරක්ෂක ගුවන් යානයෙහි පස් දෙනෙක් ජීවිතක්ෂයට පත්වෙති. එහි නියමුවා බරපතල තුවාල සහිතව රෝහල්ගත කරනු ලැබ සිටි. මගී ප්‍රවාහන ගුවන් යානයක් සහ භූ චලනයෙන් විපතට පත් වූවන්ට සහන සැලසීමේ යෙදී සිටි වෙරළාරක්ෂක ගුවන් යානයක් එකිනෙක ගැටිණ. වෙරල ආරක්ෂක යානයේ සිටි පස් දෙනා ඉන් ජීවිතක්ෂයට පත්ව ඇති බව මේවනවිට සනාථ වී ඇතැයි ජපාන වාර්තා පෙන්වා දෙයි.
හොකයිඩෝ සිට හෙනඩා ගුවන්තොටුපළ වෙත පියසර කළ මගී ගුවන් යානය ගිනි ගැනීමට ලක්විය. ඒ වනවිට යානය හෙනඩා ගුවන් තොටුපලට ළඟාවෙමින් තිබිණ. එහි සිටි මගීන් සහ කාර්ය මණ්ඩලයේ 379 දෙනා අනතුරකින් තොරව ගලවා ගැනීමට හදිසි සේවා අංශ සමත් වී තිබේ. එහෙත් යානය ගිනිගෙන විනාශ විය. අනතුර හේතුවෙන් හෙනඩා ගුවන් තොටුපළෙහි සියලු මෙහෙයුම් නවතා ඇතැයි ජපානය කියයි.