දකුණු කොරියාවේ විපක්ෂනායකට ප්රහාරය එල්ල කළ පුද්ගලයා අත්අඩංගුවට ගෙන තිබේ. නව ගුවන් තොටුපළ පරිශ්රයක් නිරීක්ෂණය කර පැමිණෙමින් සිටියදී විපක්ෂනායකගේ ගෙල ප්රදේශයට යම් පහර දීමක් සිදුව ඇති බව වාර්තා වේ. තුවාල ලද විපක්ෂනායකවරයා කඩිනමින් රෝහල්ගත කර ඇත. රෝහල් ආරංචි මාර්ග කියා සිටින්නේ ඔහුට ජීවිත හානියක් නොමැති බවයි. විපක්ෂනායකවරයා ජනමාධ්යවේදීන් අතරින් එමින් සිටිය දී සමරු සටහනක් ලබා ගැනීමට යැයි පවසමින් පුද්ගලයෙකු ඔහු වෙත ළංවී තිබේ. ආසන්නයට පැමිණ අතෙහි රැඳී තිබූ කිසියම් උපකරණයකින් විපක්ෂනායකවරයාගේ ගෙලට පහර දී ඇතැයි එරට මාධ්ය වාර්තා කරයි.