අභාවප්‍රාප්ත වූ විපුලී නිරෝෂිණී හෙට්ටිආරච්චි කිවිඳියගේ අවසන් කටයුතු අද (15) බොරැල්ල පොදු සුසාන භූමියේ දී සිදු කිරීමට නියමිතය.
ලංකා ලේඛක සංවිධානයේ මෙන්ම ජනනියමු කලාකරුවෝ සංවිධානයේ විධායක කමිටු සාමාජිකාවක වූ විපුලී නිරෝෂිණී හෙට්ටිආරච්චි කිවිඳියගේ දේහය අවසන් ගෞරවය සඳහා අද පෙරවරු 9.00ට බොරැල්ල රේමන්ඩ් මල් ශාලාවේ තැන්පත් තිබේ. අවසන් කටයුතු හෙට ප. ව. 6.00 ට බොරැල්ල සුසාන භූමියේ දී සිදු කිරීමට නියමිතය.
නික්මනක නිමිත්තක්, සකුන්තලාවගෙන් චූල කාව්‍යක්, සැන්දැගල, රූ කාව්‍ය රූපාවලිය, වැනි කෘති ගණනාවක් රචනාකර ඇති විපුලී නිරෝෂිණී හෙට්ටිආරච්චි කොළඹ විශ්වවිද්‍යාලයේ උපාධිධාරිනියකි. විපුලි බොහෝ ආධුනික කවි කිවිඳියන්ගේ කාව්‍ය පිළිබඳව විචාරයන්ගේ නියැළුණු අයෙකු ලෙසද ඇගයීමට ලක්විය.
කෙස්ස උස් කර මුදුනට
බැඳන් නාවත් සටනට
තබමි කවියේ විරිතට
උචිත උපමා රූපක
ගුරුන් දෙගුරුන් පා මුල
මිසක් නොනැමෙන මේ හිස
නමමි මහ කවියෙකු ළඟ
ඒය මට හිමි කවිකම
විපුලි නිරෝෂිණී හෙට්ටිආරච්චි
නුඹේ මුල් පොතේ නම
” නික්මනක නිමිත්තක්”
ඒ වුණත් කොහි විණිද???
මේ තරම් ඉක්මනින්
නුඹ අපව හැර යතැයි….
“නික්මනක නිමිත්තක් ” ?
පියන්කාරගේ බන්දුල ජයවීර