චීනයේ හංජෝ නුවර පැවැත්වෙන 2022 ආසියානු ක්රීඩා උළෙලේ මීටර් 800 කාන්තා අවසන් තරගය සඳහා තරුෂි කරුණාරත්න අද (03) සුදුසුකම් ලබා ගත්තාය.
ඇය මූලික වටයේ තරගය දෙවැනියට අවසන් කලේ 2:05.48 කාලයක් වාර්තා කරමිනි.
එම වටයේ පළමු ස්ථානය හිමිකරගත් චීනයේ වැංග් සී 02 :05:37 කින් තරගය අවසන් කළාය.
කෙසේවෙතත් ආසියානු ක්රීඩා උළෙලේ ප්රමුඛතම පදක්කම් බලාපොරොතුවක් ලෙස තරුෂි කරුණාරත්න හැඳින්විය හැකිය.
ඇය තරග වඳින මූලික තරගයේ උපරිමයට ළඟා නොවුන අතර ආසියානු මලල ක්රීඩා ශූරතාවලියේදී මෙන්ම කණිෂ්ඨ ආසියානු මලල ක්රීඩා සූරතාවලියේදී ද මීටර් 800 ඉසව්වේ රන් පදක්කමට උරුමකම් කීවාය. තරුෂි සහභාගි වන අවසන් තරගය හෙට (04) පැවැත්වීමට නියමිතව ඇත.
එමෙන්ම, මීටර් 800 කාන්තා ඉසව්වට ගයන්තිකා අබේරත්න සහභාගි වුණු අතර ඇය වාර්තා කළ කාලය විනාඩි 2:07.17 කි.