පෙන්නා තරම අත රැදි පෑනෙහි බලයේ
ලියලා තිබේ බොහො දේ ඉහළම තලයේ
නොසැලෙන පරිදි කිසිවිට දිය පිරි කලයේ
අයියා කෙනෙකි නිහඬම පත්තර කුලයේ
ඔහු නම සමග සිළුමිණ මතකයට නැගේ
කූටප්‍රාප්තිය එහි කතුකමය හැඟේ
ඉරුදින සියත මව්බිම සරසවිය වගේ
පත්තරවලත් කළ වැඩ ඇත බොහොම අගේ
තිබුණේ අකුරුවලටයි කවදත් ඇල්ම
පත්තර දෙසයි හෙලුවේ තියුණුම බැල්ම
ඉතිහාසයක් ඇත වැඩ කළ වෙරිවෙල්ම
පත්තරකාරයයි මා දුටු නිව්ටල්ම
දෙන්නට දෙයක් නැත මා ළග ලොකු මිලක
අමුණමි ආදරය එනිසා කවි වැලක
මියගිය දිනක මොකටද තනලා ඵලක
කියවා සතුටු වෙනු මෙය මැතිදුණි තිලක
ප්‍රියන්ත කොඩිප්පිලි
බන සිකුරාදා (ජූලි 28) සවස 3.30ට ශ්‍රී ලංකා පදනම් ආයතනයේදී හමුවෙමු.
