සිම්බාබ්වේහිදී පැවැත්වෙන එක්දින ලෝක කුසලාන සුදුසුකම් ලැබීමේ තරගාවලියේ ‘බී’ කාණ්ඩය යටතේ ස්කොට්ලන්තය සහ ශ්රී ලංකාව අතර අතර අද (27 වැනිදා) බුලවායෝහිදී පැවැත්වීමට නියමිතය.
ස්කොට්ලන්තය මෙතෙක් මුහුණ දුන් තරග අතර පසුගිය 21 වැනිදා අයර්ලන්තය සමග පැවැති තරගය එක් කඩුල්කින් ජයග්රහනය කළ අතර 23 වැනිදා එක්සත් අරාබි එමීර් රාජ්ය කණ්ඩායමට එරෙහිව ලකුණු 111 ක විශිෂ්ඨ ජයක් වාර්තා කළේය.
එමෙන්ම 25 වැනිදා ඕමානයට එරෙහිව ලකුණු 76 ක් ජයක් වාර්තා කළ ස්කොට්ලන්තය අපරාජිතව අද ශ්රී ලංකාව සමග තරගයට එකතු වෙයි.
එමෙන්ම ශ්රී ලංකාවද මෙතෙක් මුහුණ දුන් සියළු තරග ජයග්රහනය කරමින් අපරාජිතව අද තරගයට එක් වෙයි.
කාසියේ වාසිය දිනූ ස්කොට්ලන්ත පිල ප්රථමයෙන් පන්දු රැකීම තෝරා ගත් අතර මේ වනවිට ශ්රී ලංකාව එක් කඩුල්ලක් දැවී ලකුණු 34 ක් ලබා ගෙන සිටින්නේ පන්දුවාර 5 කට මුහුණ දෙමිණි.