පළමු වැනි ජාතික යොවුන් වූෂූ තරගාවලිය : අවසන් මහා තරග හෙට ඇරඹේ

පළමු වැනි ජාතික යොවුන් වූෂූ තරගාවලියේ අවසන් මහ තරග හෙට (15 )-16 සහ 17 දිනවලදී මහරගම තරුණ සේවා ගෘහස්ථ ක්‍රීඩාංගණයේදී පැවැත්වෙයි.

මෙම තරගාවලිය දිවයිනේ සියලුම පළාත් ආවරණය වන පරිදි, පැවැත්වුණු අතර එහි තරග පසුගිය පෙබරවාරි මාසයේ සිට පැවැත්විණි.

ඒ අනුව එහි අවසන් වටයේ තරග පෙළ හෙට ආරම්භ වීමට නියමිත අතර මෙම තරගාවලිය සංවිධානය කරනු ලැබුවේ ශ්‍රී ලංකා වූෂූ සම්මේලනයයි.

වයස 12 න් පහළ, 14 න් පහළ, 16 න් පහළ, 18 න් පහළ සහ 20 න් පහළ යන වයස් කාණ්ඩ යටතේ තාඕලු (නර්තන) තරග පැවැත්වේ.

සන්දා (ද්වන්ධ සටන්) තරග 14 න් පහළ, 16 න් පහළ, 18 න් පහළ සහ 20 න් පහළ යන වයස් කාණ්ඩ යටතේ පැවැත්වීමට නියමිතය.

ළමා සහ කනිෂ්ඨ සන්දා තරග ශ්‍රී ලංකාවේදී පැවැත්වෙන්නේ පළමු වැනි වතාවටය. පාසල් දරු දැරියන්ට පනවා තිබූ සන්දා තරග තහනම හේතුවෙන් යොවුන් සන්දා තරග පැවැත්වෙන්නේ වසර 12 කට පසුවය.

එමෙන්ම ජාත්‍යන්තර වශයෙන් පිළිගත් තාඕලු ඉසව් 10 ක් ද මෙවර යොවුන් තරගාවලියට ඇතුළත් කර තිබේ.