අයර්ලන්තය සහ බංග්ලාදේශය අතර චෙල්ම්ස්ෆෝර්ඩ් හි පැවති පළමු එක්දින තරගය නොකඩවා ඇද හැලුණු වර්ෂාවෙන් පසු අතහැර දැමීමත් සමග 2023 ICC පිරිමි ක්‍රිකට් ලෝක කුසලානයට සෘජුවම සුදුසුකම් ලැබීමේ බලාපොරොත්තු අත්හැර දැමීමට අයර්ලන්ත කණ්ඩායමට සිදුවිය.
ඒ අනුව 2023 ICC පිරිමි ක්‍රිකට් ලෝක කුසලාන තරගාවලිය සඳහා සෘජුවම සුදුසුකම් ලබා ගත් අවසාන රට බවට පත්වීමට දකුණු අප්‍රිකාවට හැකිවිය.
සෘජුවම සුදුසුකම් ලබා ගත් අනෙකුත් කණ්ඩායම් වන්නේ ඉන්දියාව (සත්කාරක), නවසීලන්තය, එංගලන්තය, ඕස්ට්‍රේලියාව, බංග්ලාදේශය, පකිස්ථානය, ඇෆ්ගනිස්ථානයි.
මීට අමතරව එක්දින ලෝක කුසලානයේ සුපර් ලීගයේ අවසන් ස්ථාන 5 ට පත් වු බටහිර ඉන්දීය කොදෙව් කණ්ඩායම, ශ‍්‍රී ලංකාව, අයර්ලන්තය, සිම්බාබ්වේ සහ නෙදර්ලන්තය මෙන්ම නේපාලය, ඕමානය, ස්කොට්ලන්තය, එක්සත් අරාබි එමීර් රාජ්‍යය සහ අමෙරිකාව ඇතුළු කණ්ඩායම් දහයක් සුදුසුකම් ලබා ගැනීමේ වටයේ තරගාවලියට සිම්බාබ්වේ දේශයේ දී තරගවදිනු ඇත.
එම තරගාවලිය ලබන ජුනි මස 18 වැනිදා සිට ජුලි මස 9 වැනිදා දක්වා පැවැත්වීමට නියමිතය.