රඹකැන්ඔය ප්රදේශයේ පිහිටි සිය පාරම්පරික නිජබිම් එළිපහෙළි කොට ඒවා විවිධ වගා කටයුතු සඳහා පෞද්ගලික සමාගම් වෙත පැවරීමට එරෙහිව ආදිවාසී නායක ඌරුවරිගේ වන්නියලැත්තෝ විසින් ඉදිරිපත් කර ඇති රිට් පෙත්සමක් සැප්තැම්බර් මස 8දා විභාගයට ගැනීමට අභියාචනාධිකරණය නියම කළේය.
ඒ, එම පෙත්සම අද (02) සෝභිත රාජකරුණා සහ ධම්මික ගනේපොල යන අභියාචනාධිකරණ විනිසුරු මඩුල්ල ඉදිරියේ කැඳවනු ලැබූ අවස්ථාවේදී ය.
මහවැලි අධිකාරිය ගෙන ඇති මෙම තීරණයට එරෙහිව ආදිවාසී නායක ඌරුවරිගේ වන්නියලැත්තෝ විසින් එම පෙත්සම ගොනුකර තිබූ අතර, එහිදී විනිසුරු මඩුල්ල නියෝග කළේ අදාළ පෙත්සම විභාගය සඳහා සැප්තැම්බර් මස 8දා කැඳවන ලෙස ය.
පෙත්සම්කාර ආදිවාසී නායකයා අදාළ පෙත්සමේ සඳහන් කර ඇත්තේ රඹකැන්ඔය ප්රදේශයේ පිහිටි සිය පාරම්පරික නිජබිම එළිපෙහෙළි කොට අදාළ ඉඩම් බඩඉරිඟු වගාකිරීම සඳහා පෞද්ගලික සමාගම් වෙත ලබාදීමට මහවැලි අධිකාරිය තීරණය කර ඇති බවයි. මේ තුළින් සිය ප්රජාවට දැඩි අයුක්තියක් සිදු වන බවත්, එබැවින් අදාළ තීරණය බලරහිත කිරීමේ නියෝගයක් නිකුත් කරන ලෙසත් ඉල්ලමින් ආදිවාසී නායකයා මෙම නඩුව ගොනුකර තිබේ.