නීති විද්යාල විභාග ඉංග්රිසී භාෂාවෙන් පමණක් පැවැත්වීමට අදාළව නිකුත් කර තිබූ ගැසට් නිවේදනය අද (21) පාර්ලිමේන්තුවට ඉදිරිපත් කළ අතර, ඊට පක්ෂ ව එක් ඡන්දයක් පමණක් හිමි විය.
එම යෝජනාව වැඩි ඡන්දයෙන් පරාජයට පත්විය.
ශ්රී ලංකා නීති විද්යාල ප්රවේශය සඳහා පෙනීසිටීමට අවශ්ය අවම සුදුසුකම් සංශෝධනය කරමින් 2020 වසරේ දෙසැම්බර් 30 දින නිකුත් කළ ගැසට් නිවේදනය අද පාර්ලිමේන්තුවට ඉදිරිපත් කෙරිණි.
මෙතෙක් සිංහල, දෙමළ සහ ඉංග්රීසි මාධ්යවලින් පැවැත්වූ නීතිවිද්යාලයීය අධ්යයන පාඨමාලා සහ විභාග ඉංග්රීසි මාධ්යයෙන් පමණක් පැවැත්වීමට අදාළ ගැසට් නිවේදනයෙන් යෝජනා කර තිබිණි.
ඒ සඳහා ඡන්දයක් අවශ්ය බවට විපක්ෂ නායක සජිත් ප්රේමදාස ඉල්ලා සිටියේය. ඒ අනුව අදාළ ඡන්ද විමසීම පැවැත්වීමට කතානායකවරයා පියවර ගත්තේය.
ඡන්ද විමසීමේදී ගැසට් නිවේදනයට විපක්ෂව ඡන්ද 113ක් ලැබුණු අතර, පාර්ලිමේන්තු මන්ත්රී චන්දිම වීරක්කොඩි පමණක් අදාළ යෝජනාවට පක්ෂව ඡන්දය භාවිත කළේය.
හිටපු ජනාධිපති ගෝඨාභය රාජපක්ෂ ආණ්ඩුවේ අධිකරණ ඇමති ධුරයට අලි සබ්රි පත්වීමෙන් පසු නීති ක්ෂේත්රයේ ප්රතිසංස්කරණ සඳහා මුලින්ම ගෙන එන ලද යෝජනාවලින් එකක් වූයේ ශ්රී ලංකා නීති විද්යාලයේ සියලු විභාග ඉංග්රීසි බසින් පමණක් පැවැත්වීම ය.
වසර 02කට පසු අදාළ යෝජනාව ක්රියාත්මක කිරීම සඳහා අවශ්ය පියවර ගැනීමට අද එය පාර්ලිමේන්තුව ඉදිරිපත් කෙරිණි.