එළැඹෙන ජුනි මාසයේදී දකුණු කොරියාවේ පැවැත්වීමට නියමිත ආසියානු යොවුන් දැල් පන්දු ශූරතාවලිය සඳහා ශ්‍රී ලංකා සංචිතයේ පුහුණුවීම් අද (07) ආරම්භ වීමට නියමිතව ඇත.
සංචිතය ක්‍රීඩිකාවන් 18 දෙනකුගෙන් සමන්විත වන අතර ඉන් ශ්‍රී ලංකා කණ්ඩායම වෙනුවෙන් ක්‍රීඩිකාවන් 12 දෙනෙකු සහ අතිරේක ක්‍රීඩිකාවන් තිදෙනෙකු ඉන් තෝරා ගැනෙනු ඇත.
එම තෝරා ගැනීම අප්‍රේල් මාසයේ මුල් සතිය තුලදී සිදුකිරීමට නියමිතය.
ආසියා යොවුන් නෙට්බෝල් ශූරතාවලිය සඳහා සහභාගි වන ශ්‍රී ලංකා කණ්ඩායම තෝරා ගැනීම සඳහා ක්‍රීඩිකාවන් 35 දෙනකුගෙන් සමන්විත සංචිතයක් ගොඩනඟා තිබූ අතර, අවසන් ක්‍රීඩිකාවන් 18 අතරට එක් නොවූ ක්‍රීඩිකාවන් ජාතික සංවර්ධන සංචිතයට ඇතුළත් කිරීමට නියමිත ඇතැයි පැවසේ.
දමයන්ති ජයතිලකගේ සභාපතිත්වයෙන් යුතු ශ්‍රී ලංකා නෙට්බෝල් තේරීම් කමිටුව විසින් තෝරා ගත් යොවුන් නෙට්බෝල් සංචිතයට හිරුණි හේෂානි, නෙත්මි පෙරේරා, නෙතංගා ගුණරත්න, ජිනාලි බාලසූරිය, මිනාගි කංකානම්ගේ, නෙත්මිණි විජේනායක, තරුෂි පෙරේරා, සරසි ගුණසිංහ, චලනි නිෂා, ඩිශාරා උමයංගනී, දෙව්මි බමුණුආරච්චි, උදාරී ගුරුගේ, ඩිල්මි විජේනායක, ඉදූෂා පෙරේරා, සජිනි රත්නායක, එස්.ටී.පතිරණගේ, ජී.ටී.එම්.වසන්තප්‍රිය සහ යූ.ජී.බී.එස්.එන්.උඩගෙදර ඇතුළත් වෙති.