ශ්රී ලංකා පොදුජන පෙරමුණේ සභාපති ධුරයෙන් ජී.එල්. පීරිස් ඉවත් කිරීමට තීරණය කළ ද, එය මෙතෙක් ක්රියාත්මක නොකළ බව එම පෙරමුණේ මහ ලේකම් සාගර කාරියවසම් thetime.lk වෙත පැවසීය.
පෙරමුණේ නව සභාපති ධුරය සම්බන්ධයෙන් යෝජනා කිහිපයක් ඉදිරිපත්ව ඇති බවත්, ඒ අතරින් අයෙකු කඩිනමින් තෝරාගැනීමෙන් පසු අදාළ තීරණය ක්රියාත්මක කරන බවත් ඔහු වැඩිදුරටත් සඳහන් කළේය.
පොදුජන පෙරමුණේ විධායක සභාව අදාළ තීරණය ගෙන තිබිණි. ඊට හේතුව ලෙස ලේකම්වරයා සඳහන් කළේ ජී.එල්. පීරිස් තවදුරටත් තම පක්ෂය සමග එක්ව කටයුතු නොකිරීමයි. එසේ ම පක්ෂයේ සිටි, මේ වන විට වෙනත් දේශපාලන පක්ෂ සහ කණ්ඩායම් සමග කටයුතු කරන පීරිස් සම්බන්ධයෙන් ද තීරණයක් ගන්නා බව ඔහු පැවසීය.
පළාත් පාලන මැතිවරණය කල්දැමීමට එරෙහිව ශ්රේෂ්ඨාධිකරණයට ඉදිරිපත් කළ තීරණාත්මක පෙත්සමක පෙත්සම්කරු වූයේ ද හිටපු ඇමති ජී.එල්. පීරිස් ය.
පොදුජන පෙරමුණේ නව සභාපතිවරයා වශයෙන් පත්කිරීම සඳහා යෝජනා කිහිපයක් ඉදිරිපත් වී ඇති බවත්, ඒ අතරින් පක්ෂයට බාහිර සිවිල් සමාජය නියෝජනය කරන පුද්ගලයෙකු පත්කිරීමත්, සමාජයේ කීර්තිමත් පුද්ගලයෙකු පත්කිරීමත් කැපිපෙනෙන බවත් ලේකම්වරයා පැවසීය.