“SOMEWHERE IN BETWEEN” නමින් ප්රභානි අමන්දිකා අද දින පටන් ගත් චිත්ර ප්රදර්ශනය අනාගතවාදී සළකුණක දෘශ්ය සළකුණක්. ගමන් කරන මනුස්සයෙකුට එක එක තැන්වලදි දේවල් මුණගැහෙනවා. අපි ඒ ඒ මොහොතේ නිස්චිත දැනුමෙන් වැඩ කරන්නෙ. ප්රභානිගෙ වැඩෙත් එහෙම වැඩක්. අවුරුදු 23 ක් වෙද්දි චිත්රයේ භාෂාවට දියුණු තැනකින් ඇතුල් වෙමින් ඇය ගමන් කරන බව පෙන්වමින් ඉන්නවා. ගොඩක්ම සජීවීව ආදර්ශ රූපයක් එක්ක ගනුදෙනු කරන ප්රභානි පිටින් වගේම ඇතුළතින් ඔවුන්ගෙ හැඟිම් අල්ලමින් කරන මේ වැඩේ ආලේඛ්ය කලාවේ අපට බලාපොරොත්තු තබාගන්න පුලුවන් තැනක්. කාලරේඛීයව ගමන් කරද්දි මේ විෂයෙදි අපට මුණගැහෙන සිත්තර සිත්තරියන් අතරට මේ පුන්චි කෙල්ල ලොකු බරතැබීමක් කරන බවයි මගේ විශ්වාසය. සංකල්පීයව සහ තාක්ෂණිකව තමන්ගෙ වැඩේ විසඳගන්න art language එක හොයාගෙන යන ප්රභානි සෞන්දර්ය කලා විශ්ව විද්යාලයට තේරී පත්වුවත් ඇය එය ප්රතික්ෂේප කිරීම ඇයගේ විශ්වාසය පිළිබඳ පරීක්ෂාවක්. ඇය උසස් පෙළට චිත්ර විෂය සඳහා මා ලඟට එද්දිත් ඇය තුළ මේ වැඩේදි ගොඩක් දේවල් තිබුනා. මේ විභවයේ කතෘත්වය ප්රභානිගේමයි. මේ මොහොතේ ප්රභානි මේ නෙලාගන්නෙ ඇය විසින් වැපිරූ අස්වැන්නයි. මට අනුව මේ අස්වැන්න සාරයි. අපි එයාට සරු පසක් හදල දෙමු. ප්රභානි අපව පහු කරන හැටි බලා සතුටු වෙමු.
2023.03.24 දින සිට 26 දක්වා කොළඹ හැරල්ඩ් පීරිස් කලාගාරයට එන්න.
ප්රගීත් රත්නායක
