පළාත් පාලන මැතිවරණය සම්බන්ධයෙන් දේශපාලන පක්ෂ ලේකම්වරුන් සහ මැතිවරණ කොමිෂන් සභාවේ සාමාජිකයන් අතර විශේෂ සාකච්ඡාවක් අද (14) පැවැත්වීමට නියමිත ය.
ලබන 09දා පැවත්වීමට නියමිත පළාත් පාලන මැතිවරණයට අදාළ නිල ඡන්ද පත්රිකා මුද්රණය තවදුරටත් සිදුකළ නොහැකි බව මැතිවරණ කොමිසමට නිල වශයෙන් දැනුම් දී තිබේ. ඒ, රජයේ මුද්රණාලයාධිපති ගංගානි ලියනගේ විසිනි.
ඊයේ (13) මුද්රණාලයාධිපති විසින් මේ බව මැතිවරණ කොමිසමට දැනුම් දී ඇත. ඒ අනුව ඡන්ද පත්රිකා මුද්රණය සඳහා වැයවන වියදම් පියවා ගැනීමට අවශ්ය මුදල් ලබා දෙන තෙක් එය අත්හිටුවා ඇත.
අද (14) පැවැත්වෙන සාකච්ඡාවේ දී මේ ගැටළුව සම්බන්ධයෙන් දීර්ඝ ලෙස සාකච්ඡා කිරීමට බලාපොරොත්තු වන බව මැතිවරණ කොමිෂන් සභාවේ සභාපති නිමල් පුංචිහේවා පැවසීය.
මෙවර ඡන්ද පත්රිකා මුද්රණය කිරීම ඇතුළු පළාත් පාලන මැතිවරණයට අදාළ මුද්රණ කටයුතු සඳහා රුපියල් මිලියන 461කට ආසන්න මුදලක් රජයේ මුද්රණාලය වෙත මැතිවරණ කොමිෂන් සභාව විසින් ලබාදිය යුතු වේ.