ජපානයේ උපත් අනුපාතය වාර්තා ගත ලෙස පහළ ගොස් ඇත.
මේ වන විට ජපානයේ සමස්ත ජනගහනය මිලියන 125 ඉක්ම වුවද, ඉකුත් වසරේ එරට නව උපත් සංඛ්‍යාව ලක්ෂ 8කටත් වඩා අඩු බව විදෙස් මාධ්‍ය වාර්තා සඳහන් කරයි.
1970 වසරේ දී එම වාර්ෂික අගය මිලියන 2 ඉක්මවා ඇත.
කෙසේවෙතත් මෑත වසර කිහිපය තුළ ජපානයේ ආයු අපේක්ෂාව ඉහළ ගොස් ඇත. ඒ අනුව, රටේ වැඩිහිටි ජනගහනය ඉහළ ගොස් ඇති නමුත්, ශ්‍රම බලකායට සැලකිය යුතු පිරිසකගේ නව වැඩිවීමක් සිදුව නොමැත.
ජපාන රජය මෙම තත්වය පාලනයට ටෝකියෝ අගනුවරින් පිටත ග්‍රාමීය ප්‍රදේශවල ජීවත් වීමට, පිටත්ව යාමට කැමති පුද්ගලයන්ට විශේෂ වරප්‍රසාද හඳුන්වා තිබේ.
එක් දරුවෙකු සමග අගනුවරින් පිටත වාසයට යාමට කැමති පවුලකට ජපාන, යෙන් මිලියනයක් ලබා දීමට ද අපේක්ෂා කරයි.
ඒකාකාරී කාර්යබහුල ජීවන රටාවෙන් මිදී එරට වැසියන් එලෙස පිටත වාසය කරද්දී කුටුම්භ තුළ නව උපත් වැඩි කරලීමට හැකි බවට එරට පාලනාධිකාරිය විශ්වාස කරන බව විදෙස් මාධ්‍ය වාර්තාවල සඳහන්වේ.