ශ්‍රී ලංකා ගුවන් හමුදාව සහ ඊගල්ස් ගොල්ෆ් ලින්ක් ක්‍රීඩා සමාජය සංවිධානය කරනු ලබන ගුවන් හමුදාපති කුසලාන කාන්තා සහ පිරිමි ගොල්ෆ් තරගාවලිය ජනවාරි මස 20වනදා සිට 22වනදා දක්වා චීනවරාය ගොල්ෆ් ක්‍රීඩංගනයේදී පැවැත්වේ.
දස වැනි වරටත් සංවිධානය කරන මෙම තරගාවලිය සඳහා දෙස් විදෙස් ක්‍රීඩක ක්‍රීඩිකාවන් 100කට අධික පිරිසක් සහභාගී වීමට නියමිතව ඇත.
මේ සඳහා ප්‍රධාන අනුග්‍රාහකත්වය ඩයලොග් එන්ටර්ප්‍රයිස් ආයතනය සපයනු ලබන අතර Trinco Blue by Cinnamon සහ JKAB Beach Resort ආයතනද සිය සත්කාරක දායකත්වය සපයනු ලබයි.
එමෙන්ම තරගාවලියේ දසවැනි සංවත්සරය සමරනු වස් ඩයලොග් එන්ටර්ප්‍රයිස් ආයතනය හා එක්ව ප්‍රජා සත්කාර වැඩසටහන් මාලාවක්ද සැලසුම් කර තිබේ.
ඒ යටතේ ත්‍රිකුණාමලය උසස් බාලිකා විද්‍යාලය, චීනවරාය නාලන්දා විද්‍යාලය හා කින්නියා රාවනේෂ්වරන් දෙමළ විද්‍යාලය යන පාසල්වල යටිතල පහසුකම් සංවර්ධනය සහ පරිගණක උපාංග ප්‍රධානය කිරීමට කටයුතු සූදානම් කර ඇත.
