බ්‍රසීල පාපන්දු ලෝලීන්ට ඔහු දෙවියෙක්.. පාපන්දු ක්‍රීඩාවට අති දක්ශයෙක්.. ලෝකයට ඔහු සැබෑ සරල මිනිසෙක්.
මෙතෙක් පහල වූ විශිෂ්ඨතම පාපන්දු ක්‍රීඩකයා විදිහට පේලේ හැඳින්වුවොත් විරුද්ධ වෙන පිරිස ඉතාම අඩුයි.
එඩ්සන් අරන්ට්ස් ඩො නැසිමෙන්තෝ යන නම කීවොත් මූනෙන් මූන බලන හැමෝම “පේලේ ” කීවොත් ආ ඒ පේලේද අසාවි.
පේලේ කියන නමේ තේරුම පුදුමය.. අනුහස. ( Miracle) වගේ තේරුමක් දෙන්නෙ හීබෲ භාශාවෙන්.
යන්තමට අවුරුදු පහලව පහුවෙද්දි බ්‍රසීල පාපන්දු කණ්ඩායමට එකතු වෙන පේලේ 1958, 1962, 1970 යන අවුරුදු තුනේම ලෝක කුසලානය බ්‍රසීලයට දිනා දෙන්න සමත් වෙච්ච විශිෂ්ඨයෙක්.
එක් වරක් නෙවේ තුන්වරක් ලෝක ශූරතාවය කියන්නෙ අපූරු හීනයක්.
ඒ දස්කම කරන්න හැකිවූ එකම පාපන්දු ක්‍රීඩකයා පේලේ.
පාපන්දු පිටියේ ගෝල 1283 කට හිමිකම් කියන මේ කුඩා ක්‍රීඩකයා ලෝක කුසලාන තරඟ 14 කදී ගෝල 12 ක් වාර්ථා කරන්න සමත් වූවෙක්.
“පේලේට කලින් අංක 10 කියන්නෙ සාමාන්‍ය අංකයක් විතරයි…. පේලේ පාපන්දු ක්‍රීඩාව කලාවක්.. මැජික් එකක් බවට පත් කරා..” මෙහෙම කියන්නෙ බ්‍රසීලයේ නෙයිමා.
සුභ ගමන්… ස්තුතියි ඉතිරි කල ගිය මතක වලට.
Edson Arantes do Nascimento…. හෙවත් පේලේ. 1940 -2022.
Malcolm Sang
(බ්‍රසීලියානු හිටපු සුපිරි පාපන්දු ක්‍රීඩක පේලේ අභාවප්‍රාප්ත වී ඇති අතර පිළිකා තත්ත්වයක් හේතුවෙන් ඔහු කලක සිට අසනීප තත්ත්වයෙන් පසු වූ බව යි පේලේ ප්‍රතිකාර ලබමින් සිටි රෝහල ප්‍රකාශ කරයි.
මිය යන විට පේලේ 82 වැනි වියේ පසු වූ අතර 1958, 1962, සහ 1970 යන වර්ෂවල පැවති ලෝක කුසලාන ජයග්‍රහණ කරන අවස්ථාවල දී බ්‍රසීල පා පන්දු කණ්ඩායම නියෝජනය කර තිබේ.
2000 වර්ෂයේ දී ඔහු සියවසේ ක්‍රීඩකයා ලෙස ද නම් කෙරුණේය.
හිටපු ආජන්ටිනා සුපිරි පා පන්දු ක්‍රීඩක දියාගෝ මැරඩෝනා හා සම තැනක පේලේව ද තබා ඇත.)
