වරදකිය මුසා බස් පැවසීම යොවුනන්ට
වරදකිය එලෙසින්ම
බොරුව නිබොරු බැව් පැවසීම
දෙවියන් ස්වර්ගයේ වැඩ වසන්නේ යයිද
ලොව කිසිදු ගැහැටකින් තොර යයිද පැවසීම
වරදකිය එලෙසින්ම
දනිති උහු නුඹ කියන දේ අරුත
පවසනුය උනට
නිමක් නැති බවම දුක් ගැහැට
ඉඩ දෙනුය උනට දැක ගන්ට
හෙට දවස ගැන මෙන්ම
අද දවසේ තතුද පැහැදිලිව
පවසනුය උනට
නොවලහා ජයගත යුතුව ඇති බැව්
හමුවන සියළු බාධක
පවසනුය උනට
දුක් ගැහැට උදාවන බවද
දුෂ්කරතාවන් පැන නගිනා බවද
වගකට නොගත යුතු බව ඒ සැම
සතුටෙහි මිල නොදන්නා
නොසිටිනු ඇත්තේය කිසිදා සතුටින
දුටු තැන කවර වරදක් වුව
නොදිය යුතු සමාව නම් ඒ වරදට
පෙනෙනු ඇත නුඹටම
යළි යළි සිදුවන බැව් ඒ වරද
නොනැවතී සිය දහස් වර
ඉදින් ඉන්පසුව නම්
නොදෙනු ඇත කිසි ලෙසකින් හෝ
අපේ දරුවන් අප හට සමා
අප කමා කළ දේ වෙනුවෙන
(1952)
යෙව්ගෙනි යෙවුටුශෙන්කෝ (1933-2017)